ഓസ്‌ട്രേലിയയിൽ നിന്നുള്ള ഒരു കൂട്ടം കലാകാരന്മാരുടെ കൂട്ടായ്‌മയിൽ ക്രിസ്തുമസ് ഗാനം ഒരുങ്ങുന്നു- നക്ഷത്രങ്ങൾ കാത്തിരുന്ന രാത്രി. സിഡ്‌നിയിലുള്ള ജെയിംസ് ചാക്കോയുടെ വരികൾക്ക് സംഗീതം പകരുന്നത് മെൽബണിൽ നിന്നുള്ള സംഗീത സംവിധയകൻ ഷിബു എബ്രഹാമാണ്. കൊച്ചിൻ കലാഭവനിൽ നിന്നും ഗാനഭൂഷണം പൂർത്തിയാക്കിയിട്ടുള്ള ഷിബു എബ്രഹാം കെ ജി മാർക്കോസ്, വേണുഗോപാൽ, കെസ്റ്റർ തുടങ്ങിയ പ്രശസ്ത ഗായർക്കു വേണ്ടി പാട്ടൊരുക്കിയിട്ടുണ്ട്. സിഡ്‌നിയിലെ പ്രമുഖ ഗായകരിലൊരാളായ ബേസിൽ ഫെർണാണ്ടസ് ആണ് ഗാനം ആലപിക്കുന്നത്. സിഡ്‌നിയിലുള്ള സൗണ്ട് വൈബ്‌സ് സ്റ്റുഡിയോയിൽ റെക്കോർഡിങ് പൂർത്തിയായ ഈ ഗാനത്തിൽ നുബിയ ലിജോ ശ്വേത എൽദോസ് എന്നിവരും ആലാപനത്തിന്റെ ഭാഗമായുണ്ട്. സൗണ്ട് വൈബ്‌ സ്റ്റുഡിയോ നിർമ്മിക്കുന്ന ഗാനചിത്രീകരണത്തിന്റെ ഛായാഗ്രഹണം നിർവഹിച്ചിരിക്കുന്നത് സിഡ്‌നിയിൽ നിന്നുള്ള പ്രശസ്ത ഫോട്ടോഗ്രാഫർ സുരേഷ് പോക്കാട്ടാണ്. ക്രിസ്തീയ സംഗീതരംഗത്തെ പ്രമുഖരായ ടോപ്പ് ട്യൂൺസിലൂടെ ഡിസംബർ രണ്ടാംവാരം ഗാനം പുറത്തിറങ്ങും.
