മരയ്ക്കാർ, ജയ് ഭീം എന്നീ രണ്ട് ചിത്രങ്ങൾ ഇന്ത്യയിൽ നിന്ന് ഇത്തവണ ഓസ്കർ മത്സരപ്പട്ടികയിൽ ഇടം നേടി. ഫെബ്രുവരി എട്ടിനാണ് ഓസ്കർ നോമിനേഷൻസ് പ്രഖ്യാപിക്കുന്നത്. പ്രമുഖ ഓസ്കർ കൺസൾട്ടേഷൻ സ്ഥാപനമായ കൊച്ചിയിലെ പ്രോജക്ട് ഇൻഡിവുഡിന്റെ നേതൃത്വത്തിലാണ് മരക്കാര്‍ അറബിക്കടലിന്റെ സിംഹം ഓസ്കറിലേക്ക് എത്തിക്കാനുള്ള നടപടിക്രമങ്ങൾ പൂർത്തിയാക്കിയത്. കുഞ്ഞാലി മരക്കാര്‍ നാലാമന്റെ സമുദ്രയുദ്ധങ്ങളുടെ കഥ പറഞ്ഞ ‘മരക്കാർ’ മലയാള സിനിമാ ചരിത്രത്തിലെ ഏറ്റവും ചെലവേറിയ സിനിമ കൂടിയാണ്. പ്രിയദർശന് സംവിധാനം നിർവഹിച്ച ഈ ചിത്രത്തിന്റെ ആര്‍ട്ട് ഡയറക്ടര്‍ സാബു സിറിളാണ്. ആശിർവാദ് സിനിമാസ്, മൂൺഷൂട്ട് എൻറ്റർടൈൻമെൻഡ്, കോൺഫിഡൻഡ് ഗ്രൂപ്പ് എന്നീ ബാനറുകളിൽ ആന്റണി പെരുമ്പാവൂർ, സന്തോഷ് .ടി കുരുവിള, റോയ് .സി. ജെ എന്നിവർ ചേർന്നായിരുന്നു നിർമാണം.
