മസ്ക്കത്ത്: ഒമാനിലെ മസ്ക്കത്തിൽ വെടിവെപ്പ്. ഒമാൻ മസ്കത്ത് വാദി അൽ കബീറിലെ പള്ളിക്ക് സമീപമുണ്ടായ വെടിവെപ്പിൽ മരിച്ചവരുടെ എണ്ണം 9 ആയി. പോലീസുകാരനും അഞ്ച് സാധാരണക്കാരുമാണ് കൊല്ലപ്പെട്ടത്. സംഭവത്തിൽ ഉൾപ്പെട്ട മൂന്ന് അക്രമികളെയും വധിച്ചതായി റോയൽ ഒമാൻ പൊലീസ് അറിയിച്ചു. കൊല്ലപ്പെട്ടവരിൽ ഒരാൾ ഇന്ത്യക്കാരനാണെന്ന് ഒമാനിലെ ഇന്ത്യൻ എംബസി സ്ഥിരീകരിച്ചു. 28 പേർക്കാണ് പരിക്കേറ്റത്. ഇതിലും ഇന്ത്യക്കാരുണ്ട്.
സ്ഥിതിഗതികൾ നിയന്ത്രണവിധേയമായെന്ന് റോയൽ ഒമാൻ പോലീസ് അറിയിച്ചു. സംഭവത്തിൽ അന്വേഷണം ആരംഭിച്ചിട്ടുണ്ട്. വെടിവെപ്പിന് പിന്നിൽ ആരാണെന്നും സംഭവത്തിലേക്ക് നയിച്ച കാരണങ്ങൾ എന്താണെന്നത് സംബന്ധിച്ചും വിവരങ്ങൾ ലഭ്യമായിട്ടില്ല. സോഷ്യൽമീഡിയകളിലൂടെയോ മറ്റ് വഴികളിലൂടെയോ ആക്രമണവുമായി ബന്ധപ്പെട്ട് തെറ്റായ വാർത്തകൾ പ്രചരിപ്പിക്കുന്നത് ചെയ്യുന്നത് ശിക്ഷാർഹമായ കുറ്റമാണെന്ന് റോയൽ ഒമാൻ പോലീസ് മുന്നറിയിപ്പ് നൽകി.
