മെൽബൺ: കേരളത്തിൽ പത്ത് വർഷത്തെ എൽ.ഡി.എഫ് ഭരണത്തിന് വിരാമമിട്ട്, 102 എം.എൽ.എമാരുടെ വൻ ഭൂരിപക്ഷത്തോടെ യു.ഡി.എഫ് അധികാരം തിരിച്ചുപിടിച്ചതിന്റെ വൻ വിജയാഘോഷം ഓസ്ട്രേലിയയിലെ മെൽബണിൽ അരങ്ങേറി. ഇന്ത്യൻ ഓവർസീസ് കോൺഗ്രസ് (ഐ.ഒ.സി) വിക്ടോറിയ കേരള ചാപ്റ്ററിന്റെ നേതൃത്വത്തിലാണ് വർണ്ണാഭമായ വിജയാഘോഷ പരിപാടികൾ സംഘടിപ്പിച്ചത്. റോവിലുള്ള ഓസ്ട്രേലിയൻ ഇന്ത്യൻ കമ്മ്യൂണിറ്റി സെന്ററിൽ വെച്ചുനടന്ന വിപുലമായ സമ്മേളനം മുൻ കേന്ദ്രമന്ത്രിയും നിലവിലെ പാർലമെന്റ് അംഗവുമായ മനീഷ് തിവാരി ഉദ്ഘാടനം ചെയ്തു. ജനകീയ മാൻഡേറ്റിലൂടെ അധികാരം തിരിച്ചുപിടിച്ച് കേരളത്തിന്റെ പുതിയ മുഖ്യമന്ത്രിയായി ചുമതലയേറ്റ വി.ഡി സതീശനെയും അദ്ദേഹത്തിന്റെ നേതൃത്വത്തിലുള്ള പുതിയ ഗവൺമെന്റിനെയും മനീഷ് തിവാരി പ്രത്യേകം അഭിനന്ദിച്ചു.
ഇന്ത്യൻ ഓവർസീസ് കോൺഗ്രസ് വിക്ടോറിയാ കേരള ചാപ്റ്റർ പ്രസിഡന്റ് റോബിൻ ജോസഫ് സമ്മേളനത്തിൽ അധ്യക്ഷത വഹിച്ചു. ഐ.ഒ.സി ഓസ്ട്രേലിയൻ പ്രസിഡന്റ് മനോജ് ഷെറോൺ മുഖ്യപ്രഭാ ഷണം നടത്തി. രാജസ്ഥാനിലെ നാഗർ നിയമസഭാ മണ്ഡലം മുൻ എം.എ.എ വാജിബ് അലി ചടങ്ങിൽ വിശിഷ്ടാതിഥിയായി പങ്കെടുത്തു. കേരളത്തിൽ നിന്നുള്ള ചാലക്കുടി എം.എൽ.എ. സനീഷ് കുമാർ ജോസഫ് വീഡിയോ കോൺഫറൻസിലൂടെ സമ്മേളനത്തിന് ആശംസകൾ നേർന്നു സംസാരിച്ചു.
വിജയാഘോഷത്തിന്റെ ഭാഗമായി ഇന്ത്യൻ ഓവർസീസ് കോൺഗ്രസ് കേരള ചാപ്റ്റർ ഓസ്ട്രേലിയൻ പ്രസിഡന്റ് ജിജേഷ് പി.വിയും വിക്ടോറിയൻ പ്രസിഡന്റ് റോബിൻ ജോസഫും ചേർന്ന് കേക്ക് മുറിച്ച് സദസ്സിലുള്ളവരുമാ യി സന്തോഷം പങ്കുവെച്ചു.ഐ.ഒ.സി രാജസ്ഥാൻ ചാപ്റ്റർ നാഷണൽ പ്രസിഡന്റ് രവി ശർമ്മ, പഞ്ചാബ് ചാപ്റ്റ ർ നാഷണൽ പ്രസിഡന്റ് സുഖ്വിന്ദർ സന്ധു, ഐ.ഒ.സി നാഷണൽ ജനറൽ സെക്രട്ടറി സോബൻ തോമസ്, സെക്രട്ടറി ബിജു സ്കറിയാ, വൈസ് പ്രസിഡന്റ് അഫ്സൽ അബ്ദുൽ ഖാദർ, ഫ്ലൈ വേൾഡ് മാനേജിങ് ഡയറക്ടർ പ്രിൻസ് ജേക്കബ് എബ്രഹാം എന്നിവർ ചടങ്ങിൽ ആശംസകൾ അർപ്പിച്ചു.
ഇന്ത്യൻ ഓവർസീസ് കോൺഗ്രസ് കേരള ചാപ്റ്റർ ജനറൽ സെക്രട്ടറി ഷിനോയ് സ്റ്റീഫൻ മഞ്ഞാങ്കൽ പരിപാടിയിൽ സ്വാഗതവും വുമൺസ് കോർഡിനേറ്റർ അനിഷ മാണി നന്ദിയും രേഖപ്പെടുത്തി
വിക്ടോറിയ ജോയിന്റ് സെക്രട്ടറി സോണീഷ് ബേബി ഇഞ്ചേനാനിയിലിന്റെയും വൈസ് പ്രസിഡന്റ് . കുര്യൻ പുന്നൂസ് ആഞ്ഞിലിമൂട്ടിലിന്റെയും നേതൃത്വത്തിൽ സദസ്സിൽ ഉയർന്ന മുദ്രാവാക്യം വിളികൾ പരിപാടിയെ ഏറെ ആവേശഭരിതമാക്കി. മുഖ്യമന്ത്രി വി.ഡി സതീശന്റെ നേതൃത്വത്തിലുള്ള പുതിയ യു.ഡി.എഫ് ഗവൺമെന്റിന് അഭിവാദ്യങ്ങൾ അർപ്പിച്ചുകൊണ്ടുള്ള ഈ മുദ്രാവാക്യങ്ങൾ, പ്രവർത്തകരുടെ പഴയകാല കെ.എസ്.യു, യൂത്ത് കോൺഗ്രസ് പ്രവർത്തന കാലഘട്ടത്തിന്റെ ഓർമ്മകളെ ഉണർത്തുന്നതായിരുന്നു.
കേരള ചാപ്റ്റർ വൈസ് പ്രസിഡന്റ് രാജി ഷാജു, പ്രോഗ്രാം കോർഡിനേറ്റർ മനോജ് ഗുരുവായൂർ, ട്രെഷറർ ഇന്നസെന്റ് ജോർജ്, നാഷണൽ ജനറൽ സെക്രട്ടറി ലിന്റോ ദേവസ്സി, വൈസ് പ്രസിഡന്റ് ഹിൻസോ തങ്കച്ചൻ, എക്സിക്യൂട്ടീവ് അംഗങ്ങളായ അലൻ എബ്രാഹം, ലിക്കു ജോസഫ്, ഷൈജു ദേവസ്സി, ഷാജി ഷാഹുൽ ഹമീദ്, പോളി ചിറമേൽ, ജിനു ജോസ്, സുൽജിത് മൂസൻ, ലിജോ കുടിലിൽ, ബെന്നി കൊച്ചുമുട്ടം, റോഷൻ തോട്ടപ്പള്ളി തുടങ്ങിയവരുടെ ചിട്ടയായ പ്രവർത്തനങ്ങളാണ് ഈ വിജയാഘോഷ പരിപാടിയെ വൻ വിജയമാക്കാൻ സഹായിച്ചത്. പോൾസ് ട്രാവൽസ്, ഫ്ലൈ വേൾഡ് ഗ്രൂപ്പ് ഓഫ് കമ്പനീസ്, ഓസ്ലാൻഡ് പ്രോപ്പർട്ടി ഗ്രൂപ്പ് എന്നിവരായിരുന്നു ആഘോഷ പരിപാടിയുടെ മുഖ്യ സ്പോൺസർമാർ
ഷിനോയ് മഞ്ഞാങ്കൽ
ജനറൽ സെക്രട്ടറി
IOC വിക്ടോറിയ കേരളം ചാപ്റ്റർ
