ഗോൾഡ് കോസ്റ്റ്: മുൻ മുഖ്യമന്ത്രി ഉമ്മൻ ചാണ്ടിയുടെ ഒന്നാം ചരമ വാർഷികത്തോട് അനുബന്ധിച്ച് ഐ ഒ സി ക്വീൻസ്‌ലാൻഡ് സംഘടിപ്പിച്ച ഉമ്മൻ ചാണ്ടി അനുസ്മരണം ഗോൾഡ് കോസ്റ്റിൽ വെച്ച് നടത്തപ്പെട്ടു. ഐ ഒ സി ഓസ്ട്രേലിയ കോ ഓർഡിനേറ്റർ സാജു സി.പി. അധ്യക്ഷത വഹിച്ചു. ഐ ഒ സി ക്വീൻസ്‌ലാൻഡ് വൈസ് പ്രസിഡന്റ് മനോജ് തോമസ് സ്വാഗതം പറഞ്ഞു, ജോജോസ് പാലക്കുഴി നന്ദി രേഖപ്പെടുത്തി. തുടർന്ന്, ഐ ഒ സി ക്വീൻസ്‌ലാൻഡ് സംഘടിപ്പിക്കുന്ന ഇന്ത്യൻ സ്വാതന്ത്ര്യ ദിനാഘോഷം ഓഗസ്റ്റ് 17-ന് നടത്തുവാനുള്ള ഒരുക്കങ്ങൾ വിലയിരുത്തി. ബെന്നി ബെഹനാനാൻ എം പി മുഖ്യ അതിഥിയായി പങ്കെടുക്കുമെന്ന് സംഘാടകർ അറിയിച്ചു.
