സിഡ്‌നി: പെൻറിത്ത് മലയാളി കൂട്ടായ്മ (PMK) 24/08/24 -ൽ SYDNEY INTERNATIONAL REGATA CENTRIL വച്ച് സംഘടിപ്പിക്കുന്ന വള്ളംകളി മത്സരത്തിൽ, മലയാളി തനിമയും ഓസ്‌ട്രേലിയൻ സൗകര്യങ്ങളും ഒരുമിച്ചു ചേർന്ന് മിന്നൽ ചുണ്ടൻ മാറ്റുരക്കുന്നു. സിഡ്നിയിലെ പ്രവാസിമലയാളികളുടെ എക്കാലത്തെയും ആവേശമായ ഓണാഘോഷങ്ങൾക്കു മാറ്റുകൂട്ടാൻ പെൻറിത് മലയാളി കൂട്ടായ്മ – PMK ഒരുക്കുന്ന ഈ വള്ളംകളി മത്സരം പ്രചോദനമാകും.
നമ്മുടെ നാടൻ കലാമാമാങ്കമായ വള്ളംകളി ഇവിടെ അരങ്ങേറുമ്പോൾ അതിന്റെ മനോഹാരിതയും ഉത്സവലഹരിയും ഒട്ടും ചോരാതെ നിങ്ങളെ ഏവരെയും ആവേശത്തിന്റെ കൊടുമുടിയിലെത്തിക്കാൻ മിന്നൽ ചുണ്ടൻ ഒരുങ്ങിക്കഴിഞ്ഞു. മിന്നൽ ചുണ്ടന്റെ(Minnal Chundan) ചുണകുട്ടികൾക്കു മനോഹരമായി പങ്കായം എറിയാൻ എല്ലാ പ്രോത്സാഹനവുമായി മുന്നോട്ടുവന്ന ഞങ്ങളുടെ സ്പോൺസർമാരായ iDREAM PROPERTY -യും SMARTFINN ADVISORS -നും ഞങ്ങളുടെ അകമഴിഞ്ഞ നന്ദി രേഖപെടുത്തുന്നു.
പെൻറിത് റിഗാറ്റ സെൻ്ററിന്റെ നീർപാളികളെ കീറിമുറിച്ച് മിന്നലുപോലെ മിന്നൽ ചുണ്ടൻ മുന്നേറുമ്പോൾ ആ മനോഹര കാഴ്ചക്ക് സാഷ്യം വഹിക്കാനും മിന്നൽ ചുണ്ടന് വേണ്ടി വിജയാരവം മുഴക്കുവാനും ഏവരെയും സ്നേഹപൂർവ്വം സ്വാഗതം ചെയ്യുന്നു എന്ന് ഭാരവാഹികൾ അറിയിച്ചു.
