പെർത്: കേരളക്കരയിൽ നിന്നുള്ള തന്റെ പ്രജകളുടെ ക്ഷേമം അന്വഷിക്കാൻ മാവേലി ഈയടുത്തു പെർത്തിലെ Joondalup Malayalee Association-ന്റെ ആഭിമുഖ്യത്തിൽ നടന്ന ഓണാഘോഷത്തിൽ പങ്കെടുത്തു. ചെണ്ടമേളത്തിന്റെയും പുലിക്കളിയുടെയും അകമ്പടിയോടും ആർപ്പുവിളികളോടുംകൂടി എഴുന്നുള്ളിയ മഹാബലി നിലവിളക്കു കത്തിച്ചുകൊണ്ട് പരുപാടികൾക്കു തുടക്കമിട്ടു. ഉത്കാടനപ്രസംഗത്തിൽ പ്രസിഡന്റ് ജോർജ് തമ്മടം ഓണാശംസകൾ നേരുകയും, കമ്മറ്റി അംഗങ്ങൾ, മലയാളികളും അല്ലാത്തതുമായ സ്പോന്സോഴ്സിനെ പൊന്നാടയണിയിച്ചു ആദരിക്കുകയും ചെയ്തു.
മലയാളിത്തം വിളിച്ചോതുന്ന തിരുവാതിരകളിയും കൊച്ചു കുട്ടികൾ മുതൽ മുതിർന്നവർ വരെ പങ്കെടുത്ത കലാമൂല്യമുള്ള വിവിധയിനും പരിപാടികൾ അവതരിപ്പിക്കാൻ പെർത്തിലെ അതിവേഗം വികസിച്ചുകൊണ്ടിരിക്കുന്ന City of Joondalup-ലും പരിസരപ്രദേശത്തും താമസിക്കുന്ന ഈ പ്രവാസി മലയാളിക്കൂട്ടായ്മയ്ക് സാധിച്ചത് ഓണാഘോഷത്തിന്റെ മാറ്റ് കൂട്ടി. രുചിയൂറും ഓണസദ്യയും മത്സരപരിപാടികളുടെ സമ്മാനദാനത്തിനും ശേഷം സെക്രട്ടറി തുഷാര രാജുവിന്റെ നന്ദിപ്രസംഗത്തോടെ പരിപാടികൾ അവസാനിച്ചു.
