ഇല്ലാവാരയിലെ പ്രവാസി മലയാളി സമൂഹം ഇത്തവണയും ഐ.കെ.എസ്-ൻറെ നേതൃത്വത്തിൽ ഓണം സമുചിതമായി ആഘോഷിച്ചു. ഫെഡറൽ മിനിസ്‌റ്റർ പോൾ സ്കള്ളി അന്നാ വാട്സൺ MP ,ആലിസൺ ബ്രയിൺസ് MP,കാത്ത് മക്കോളിൻ MCCI തുടങ്ങിയവരുടെ മഹനീയ സാന്നിദ്ധ്യത്തിലായിരുന്നു ആഘോഷങ്ങൾ.
ഡാപ്റ്റോ റിബൺവുഡ് സെൻററിൽ ഓഗസ്‌റ്റ് 31 ന് നടത്തപ്പെട്ട ഓണാഘോഷത്തിൽ നാനാമതസ്ഥരായ കുടുബങ്ങൾ,യൂണിവേഴസിറ്റി വിദ്യാർത്ഥികൾ മറ്റ് ഇതര ഇൻഡ്യൻ സംസ്ഥാന പ്രവാസികൾ എന്നിവർ പങ്കെടുത്തു.വിഭവസമൃദ്ധമായ ഓണ സദ്യക്കു പുറമെ മികച്ച കലാപ്രകടനങ്ങളും ഇക്കൊല്ലത്തെ ഓണാഘോഷത്തിനെ മികച്ചതാക്കി.
കലാപരിപാടികളിൽ ശ്രദ്ധെയമായത് സുപ്രസിദ്ധ നിനിമാതാരം ഭാവനയുടെ നിറസാന്നിദ്ധ്യം തന്നെ ആയിരുന്നു. ഐ.കെ.എസ് ൻറെ ഓണാഘോഷ പരിപാടികൾ നിലവിളക്ക് തെളിച്ച് ഉത്ഘാടനം ചെയ്തതിനൊപ്പം വശ്യസുന്ദരമായ തന്റെ നൃത്ത ചുവടുകൾ കൊണ്ട് ഇല്ലവാരയിലെ മലയാളി സമൂഹത്തെ ആകെ കൈയ്യിൽ എടുക്കുകയും ചെയ്തു മലയാളത്തിൻറെ സ്വന്തം ഭാവന.
ഭാവനയെ കൂടാതെ,D4 ഡാൻസ് ജേതാക്കൾ ആയ വിഷ്ണു ഗ്രൂവിയും അന്നാ പ്രസാദും കൂടി ഐ കെ എസ് സ്റ്റെജ് അക്ഷരാർത്ഥത്തിൽ ള്ളക്കി മറിക്കുക ആയിരുന്നു. കൂടാതെ തങ്ങളുടെ സ്വരമാധുര്യം കൊണ്ട് റിയാലിറ്റി ഷോ ജേതാക്കൾ ക്കയ ഭാഗ്യരാജും ദിവ്യയും പാട്ടിൻ്റെ പാലാഴി തീർത്ത് ഐ കെ എസ് ഓണ രാവിന് കൂടുതൽ മിഴിവേകി.
ആഘോഷ രാവിന് ഏകദേശം പതിനൊന്ന് മണിയൊടുകൂടി തിരശീല വീണെങ്കിലും ഭാവനയുടെയും മറ്റ് സെലിബ്രിറ്റി കളുടെയും കൂടെ സെൽഫി എടുക്കുന്ന കുടുംബ പ്രേക്ഷകരുടെ തിരക്ക് പിന്നെയും നീണ്ടു. എകദേശം പന്ത്രണ്ട് മണിയോട് കൂടി മാവേലിത്തബുരാൻ സമാധാനപരമായ ഒരു ഓണാഘോഷത്തിൽ പങ്കെടുത്ത സന്തോഷത്തിൽ ദൈവത്തിന്റെ സ്വന്തം നാട്ടിലെക്ക് തിരിച്ചു.
ഈ വർഷത്തെ ഓണാഘോഷം വൻവിജയം ആക്കി തീർത്ത ഇല്ലവാരയിലെ എല്ലാ നല്ലവരായ സുഹൃത്തുക്കൾക്കും ഐ കെ എസ് ഭാരവാഹികളായ Aji Paul ( President) Mekha Jacob (Vice President) Cinto Augustine ( Secretary) Jibin Joy (Treasurer ) Sreejith Sreedharan ( PRO) Rejith Kumar, Jerom Jose , Febin Alias Jobin Thayyil എന്നിവർ ഹൃദയത്തിന്റെ ഭാഷയിൽ നന്ദി രേഖപ്പെടുത്തി.
വാർത്ത: രജിത്ത്
