തമിഴ്നാട്ടില് വരാനിരിക്കുന്ന പൊങ്കല് പ്രമാണിച്ച് മുഖ്യമന്ത്രി എം.കെ. സ്റ്റാലിന് പ്രഖ്യാപിച്ച ‘പൊങ്കല് സമ്മാനം’ വിതരണം ആരംഭിച്ചു.ഓരോ റേഷന് കാര്ഡ് ഉടമയ്ക്കും ലഭിക്കുന്ന പാക്കേജില് താഴെ പറയുന്നവ ഉള്പ്പെടുന്നു.ഓരോ കുടുംബത്തിനും 3,000 രൂപ വീതം നല്കുന്നു.കഴിഞ്ഞ വര്ഷങ്ങളില് ഇത് 1,000 രൂപയായിരുന്നു.
കൂടാതെ ഒരു കിലോ പച്ചരി, ഒരു കിലോ പഞ്ചസാര.ഒരു മുഴുവന് കരിമ്പ്,സൗജന്യമായി ഒരു ദോത്തിയും സാരിയും സമ്മാനപൊതിയിലുണ്ട്.തമിഴ്നാട്ടിലെ 2.22 കോടി അരി റേഷന് കാര്ഡ് ഉടമകള്ക്ക് ഈ ആനുകൂല്യം ലഭിക്കും.സംസ്ഥാനത്തെ വിവിധ പുനരധിവാസ ക്യാമ്പുകളില് കഴിയുന്ന ശ്രീലങ്കന് തമിഴ് കുടുംബങ്ങള്ക്കും ഈ സഹായം ലഭിക്കും.
പഞ്ചസാര കാര്ഡുകാര്ക്കും സാധനങ്ങള് വാങ്ങാത്ത കാര്ഡുകാര്ക്കും പണക്കിഴി ലഭിക്കില്ല.റേഷന് കടകള് വഴിയാണ് വിതരണം നടക്കുന്നത്. തിരക്ക് ഒഴിവാക്കാന് ഗുണഭോക്താക്കള്ക്ക് നേരത്തെ തന്നെ ടോക്കണുകള് വിതരണം ചെയ്തിട്ടുണ്ട്.ടോക്കണില് രേഖപ്പെടുത്തിയിരിക്കുന്ന തീയതിയിലും സമയത്തും റേഷന് കടയിലെത്തി സമ്മാനങ്ങള് കൈപ്പറ്റാം. ജനുവരി 12-നകം വിതരണം പൂര്ത്തിയാക്കാനാണ് സര്ക്കാര് ലക്ഷ്യമിടുന്നത്.
വരാനിരിക്കുന്ന നിയമസഭാ തിരഞ്ഞെടുപ്പ് മുന്നില് കണ്ടാണ് ഇത്തവണ തുക 3,000 രൂപയായി വര്ദ്ധിപ്പിച്ചതെന്ന് രാഷ്ട്രീയ നിരീക്ഷകര് വിലയിരുത്തുന്നു.ഈ പദ്ധതിക്കായി ഏകദേശം 6,936 കോടി രൂപയാണ് തമിഴ്നാട് സര്ക്കാര് ചെലവഴിക്കുന്നത്.ശബരിമല തീര്ത്ഥാടകര്ക്ക് അതിര്ത്തി ജില്ലകളില് പ്രത്യേക സൗകര്യങ്ങള് ഏര്പ്പെടുത്തിയിട്ടുണ്ടെങ്കിലും, ഈ പൊങ്കല് സമ്മാനം തമിഴ്നാട്ടിലെ സ്ഥിരതാമസക്കാരായ റേഷന് കാര്ഡ് ഉടമകള്ക്ക് മാത്രമുള്ളതാണ്.
