ലോകത്തെ ഞെട്ടിച്ചുകൊണ്ട് മലപ്പുറം കേന്ദ്രമായി പ്രവര്ത്തിച്ചിരുന്ന വന് വ്യാജ സര്ട്ടിഫിക്കറ്റ് റാക്കറ്റിനെ കേരള പോലീസ് പിടികൂടി.ഓസ്ട്രേലിയന് വിദ്യാഭ്യാസ മേഖലയെ ഒന്നടങ്കം പിടിച്ചുലച്ച ഈ തട്ടിപ്പിന് പിന്നില് മലപ്പുറം സ്വദേശികളായ എട്ടുപേരടങ്ങിയ സംഘമാണെന്നാണ് പ്രാഥമിക വിവരം.ഏകദേശം 23,000-ത്തോളം വിദേശ വിദ്യാര്ത്ഥികള് ഇത്തരം വ്യാജ രേഖകള് ഉപയോഗിച്ച് ഓസ്ട്രേലിയയില് പ്രവേശനം നേടിയതായാണ് അന്താരാഷ്ട്ര തലത്തില് പുറത്തുവരുന്ന ഞെട്ടിക്കുന്ന കണക്കുകള്.
തമിഴ്നാട്ടിലെ ശിവകാശിയില് അച്ചടിച്ച്, ബാംഗ്ലൂര് വഴി കേരളത്തിലേക്കും വിദേശത്തേക്കും കടത്തുന്നതായിരുന്നു ഇവരുടെ രീതി.സംഘത്തലവന് എന്ന് സംശയിക്കുന്ന ‘ഡാനി’ എന്ന് വിളിക്കുന്ന ധനീഷ് ധര്മ്മന് ഇതിനോടകം തന്നെ പോലീസ് വലയിലായിട്ടുണ്ട്.ഒരു സര്ട്ടിഫിക്കറ്റിന് 75,000 രൂപ മുതല് 1.5 ലക്ഷം രൂപ വരെയാണ് ഇവര് ഈടാക്കിയിരുന്നത്.പത്തുവര്ഷത്തിനിടയില് നൂറു കോടിയിലധികം രൂപയുടെ സാമ്രാജ്യമാണ് ഈ തട്ടിപ്പിലൂടെ സംഘം കെട്ടിപ്പടുത്തത്.
ഈ തട്ടിപ്പ് പുറത്തുവന്നതോടെ ഓസ്ട്രേലിയന് പാര്ലമെന്റിലും വിഷയം ചര്ച്ചയായി.വ്യാജ ബിരുദങ്ങള് ഉപയോഗിച്ച് ജോലി നേടുകയും വിസ കരസ്ഥമാക്കുകയും ചെയ്ത മലയാളി വിദ്യാര്ത്ഥികളടക്കമുള്ളവര് ഇനി കടുത്ത നിയമനടപടികള് നേരിടേണ്ടി വരും.പ്രായമായവരെ പരിചരിക്കുന്ന (Aged Care), ശിശു സംരക്ഷണം (Early Childhood) തുടങ്ങിയ സുപ്രധാന മേഖലകളില് വരെ ഈ വ്യാജന്മാര് നുഴഞ്ഞുകയറിയതായാണ് സൂചന.
കേരള പോലീസ് നടത്തിയ റെയ്ഡില് 22 സര്വകലാശാലകളുടെ വ്യാജ സര്ട്ടിഫിക്കറ്റുകളും നൂറുകണക്കിന് വ്യാജ സീലുകളും പിടിച്ചെടുത്തു. മലപ്പുറം ജില്ലാ പോലീസ് മേധാവി ആര്. വിശ്വനാഥിന്റെ നേതൃത്വത്തിലുള്ള സംഘം അന്തര്സംസ്ഥാന ബന്ധങ്ങളിലേക്കും സര്വകലാശാല ഉദ്യോഗസ്ഥരുടെ പങ്കിനെക്കുറിച്ചും അന്വേഷണം വ്യാപിപ്പിച്ചിരിക്കുകയാണ്.
വ്യാജ സര്ട്ടിഫിക്കറ്റുകള് ഉപയോഗിക്കുന്നത് ശിക്ഷാര്ഹമായ കുറ്റമാണ്. വിദേശ രാജ്യങ്ങളില് ഇത്തരം രേഖകള് പിടിക്കപ്പെട്ടാല് നാടുകടത്തല് ഉള്പ്പെടെയുള്ള കടുത്ത ശിക്ഷകള് നേരിടേണ്ടി വരും.
പൊന്നാനി കേന്ദ്രീകരിച്ചു നടന്ന ഈ വന് തട്ടിപ്പില് ഉള്പ്പെട്ടത് ഇന്ത്യയിലെ പ്രമുഖമായ 22-ഓളം സര്വകലാശാലകളാണെന്നാണ് പോലീസ് കണ്ടെത്തിയിരിക്കുന്നത്. ഇതില് കേരളത്തിന് അകത്തും പുറത്തുമുള്ള മുന്നിര സ്ഥാപനങ്ങള് ഉള്പ്പെടുന്നു.
ഈ മാഫിയ സംഘം പ്രധാനമായും ഇരയാക്കിയതും വ്യാജരേഖകള് നിര്മ്മിക്കാന് ഉപയോഗിച്ചതുമായ പ്രധാന സര്വകലാശാലകള് ഇവയാണ്
തട്ടിപ്പിനിരയായ പ്രധാന സര്വകലാശാലകള്
01.കേരളത്തിലെ സര്വകലാശാലകള്: കാലിക്കറ്റ് സര്വകലാശാല (University of Calicut), കേരള സര്വകലാശാല (University of Kerala).
02.കര്ണാടകയിലെ സ്ഥാപനങ്ങള്: ബാംഗ്ലൂര് യൂണിവേഴ്സിറ്റി (Bangalore University).
03.ഉത്തരേന്ത്യന് സര്വകലാശാലകള്: സി.വി. രാമന് യൂണിവേഴ്സിറ്റി (C.V. Raman University, Bilaspur), ഷോഭിത് യൂണിവേഴ്സിറ്റി (Shobhit University, Meerut), മാനവ് ഭാരതി യൂണിവേഴ്സിറ്റി (Manav Bharti University, Himachal Pradesh).
04.മറ്റ് പ്രധാന കേന്ദ്രങ്ങള്: ഗ്ലോബല് ഓപ്പണ് യൂണിവേഴ്സിറ്റി നാഗാലാന്ഡ് (Global Open University, Nagaland), മഗ്ധ് യൂണിവേഴ്സിറ്റി (Magadh University), വിഗ്നേശ്വര ഓപ്പണ് സ്കൂള് തുടങ്ങിയവ.
പോലീസ് നടത്തിയ റെയ്ഡില് ഈ സ്ഥാപനങ്ങളുടെ പേരിലുള്ള ഞെട്ടിക്കുന്ന വിവരങ്ങളാണ് പുറത്തുവന്നത്.ഒരു ലക്ഷത്തിലധികം ബി.എ, ബി.കോം, ബി.എസ്.സി മുതല് പി.എച്ച്.ഡി വരെ വിവിധ കോഴ്സുകളുടെ സര്ട്ടിഫിക്കറ്റുകള്,ഇരുപതിലധികം സര്വകലാശാലകളുടെ ഔദ്യോഗിക സീലുകളുടെയും ഹോളോഗ്രാമുകളുടെയും വ്യാജ പതിപ്പുകള് തുടങ്ങി മെഡിസിന്, നഴ്സിംഗ്, എന്ജിനീയറിംഗ് തുടങ്ങിയ പ്രൊഫഷണല് കോഴ്സുകളുടെ വരെ വ്യാജ രേഖകള് ഈ സംഘം നിര്മ്മിച്ചു നല്കിയിരുന്നു. ഈ സര്ട്ടിഫിക്കറ്റുകള് യഥാര്ത്ഥമാണെന്ന് വിശ്വസിപ്പിക്കാന് വിദേശ രാജ്യങ്ങളിലെ വാട്സാപ്പ് നമ്പറുകള് ഉപയോഗിച്ചാണ് സംഘം ഏജന്റുമാരുമായി ബന്ധപ്പെട്ടിരുന്നത്. 800 രൂപ മാത്രം ചെലവുള്ള ഒരു സര്ട്ടിഫിക്കറ്റിന് ഒന്നര ലക്ഷം രൂപ വരെയാണ് ഇവര് ഈടാക്കിയിരുന്നത്
