മൂന്ന് പതിറ്റാണ്ട് നീണ്ട സിപിഎം ബന്ധം അവസാനിപ്പിച്ച് മുന് എം എല് എ ഐഷാ പോറ്റി കോണ്ഗ്രസില് ചേര്ന്നത് കേരള രാഷ്ട്രീയത്തില് വലിയൊരു ചലനമാണ് സൃഷ്ടിച്ചത്
ഐഷാ പോറ്റിയുടെ കടന്നുവരവ് കോണ്ഗ്രസിനും യുഡിഎഫിനും വലിയ ഊര്ജ്ജമാണ് നല്കുന്നത്. സി.പി.എമ്മിലെ ജനാധിപത്യവിരുദ്ധതയില് മനംമടുത്ത് ഇനിയും നിരവധി നേതാക്കള് വരും ദിവസങ്ങളില് പുറത്തുവരും. രാഷ്ട്രീയ വിസ്മയങ്ങളുടെ തുടക്കം മാത്രമാണിതെന്ന് പ്രതിപക്ഷ നേതാവ് വി.ഡി. സതീശന് പ്രതികരിച്ചു
ഒരാള് പാര്ട്ടി വിട്ടുപോയതുകൊണ്ട് സി.പി.എമ്മിന് ഒന്നും സംഭവിക്കില്ല. അവസരവാദ രാഷ്ട്രീയത്തിന്റെ ഉദാഹരണമാണിത്. കൊട്ടാരക്കരയിലെ ജനങ്ങള് ഇതിന് വോട്ടിലൂടെ മറുപടി നല്കും. ഐഷാ പോറ്റിയെ പാര്ട്ടി ഒരിക്കലും അവഗണിച്ചിട്ടില്ല, അവര്ക്ക് അര്ഹമായ പരിഗണന നല്കിയിട്ടുണ്ട്.’ സിപിഎം സംസ്ഥാന സെക്രട്ടറി എം.വി. ഗോവിന്ദന് പറഞ്ഞു.
‘കേരളത്തിലെ ഇടതുപക്ഷ ജനാധിപത്യ മുന്നണി തകര്ന്നുകൊണ്ടിരിക്കുന്നു എന്നതിന്റെ തെളിവാണിത്. അഴിമതിയും ധിക്കാരവും നിറഞ്ഞ ഭരണത്തില് നിന്ന് മോചനം ആഗ്രഹിക്കുന്നവര്ക്കുള്ള ഏക അഭയസ്ഥാനം കോണ്ഗ്രസാണ്.
എഐസിസി ജനറല് സെക്രട്ടറി കെ.സി. വേണുഗോപാല് മാധ്യമങ്ങളോട് പ്രതികരിച്ചത് ഇങ്ങനെയായിരുന്നു
‘ഇത് വെറും സീറ്റ് കച്ചവടമാണ്. കഴിഞ്ഞ തിരഞ്ഞെടുപ്പില് സി.പി.എമ്മിന് വേണ്ടി വോട്ട് ചോദിച്ചവര് ഇപ്പോള് കോണ്ഗ്രസിലേക്ക് പോകുന്നത് ജനങ്ങളെ വിഡ്ഢികളാക്കുന്നതിന് തുല്യമാണ്. എല്ഡിഎഫും യുഡിഎഫും ഒരേ നാണയത്തിന്റെ രണ്ട് വശങ്ങളാണ്. ബിജെപി സംസ്ഥാന അധ്യക്ഷന് കെ.സുരേന്ദ്രന് തുറന്നടിച്ചു. ഐഷാ പോറ്റിയെ പാര്ട്ടിയിലേക്ക് സ്വീകരിച്ചതിനെ മുരളീധരന് സ്വാഗതം ചെയ്തുവെങ്കിലും, വരാനിരിക്കുന്ന തിരഞ്ഞെടുപ്പില് സീറ്റ് വിഭജനത്തില് പഴയ പാര്ട്ടി പ്രവര്ത്തകരെ അവഗണിക്കരുത് എന്ന മുന്നറിയിപ്പും അദ്ദേഹം നല്കിയിട്ടുണ്ട്.അതേ സമയം കൊട്ടാരക്കരയിലെ പ്രാദേശിക സിപിഎം പ്രവര്ത്തകര് ഇന്ന് ഐഷാ പോറ്റിയുടെ വസതിക്ക് മുന്നില് പ്രതിഷേധ പ്രകടനം നടത്തി.
