മംഗലംഡാം ∙ തളികക്കല്ല് ആദിവാസി ഉന്നതിയിൽ ഗൃഹനാഥനെ കൊല്ലപ്പെട്ട നിലയിൽ കണ്ടെത്തി. രാജാമണി (47) ആണു മരിച്ചത്. സംഭവവുമായി ബന്ധപ്പെട്ടു ഉന്നതിയിലെ രാഹുലിനെ പൊലീസ് പിടി കൂടി.
രാജാമണിയുടെ മകളുമായി രാഹുലിനുള്ള ബന്ധം ചോദ്യം ചെയ്തതിനെ തുടർന്നുള്ള വൈരാഗ്യമാണു കൊലപാതകത്തിനു പിന്നിലെന്നാണു പ്രാഥമിക വിവരമെന്നു പൊലീസ് പറഞ്ഞു.മകരവിളക്കുമായി ബന്ധപ്പെട്ടു ഉന്നതിയിൽ പൂജ നടക്കുന്നതിനിടെ വെട്ടുകത്തിയുമായെത്തി രാഹുൽ രാജാമണിയുടെ കഴുത്തിൽ വെട്ടിയെന്നാണു നാട്ടുകാർ പറയുന്നത്. ഇന്നലെ രാത്രി 9 മണിയോടെയാണു സംഭവം.മംഗലംഡാം പൊലീസ് സ്ഥലത്തെത്തി മൃതദേഹം പാലക്കാട് ജില്ലാ ആശുപത്രിയിലേക്കു മാറ്റി
