ന്യൂഡൽഹി: അതിർത്തി ഗ്രാമങ്ങളിൽ പ്രതിവർഷം കുറഞ്ഞത് 50 ദിവസം ചെലവഴിക്കാൻ കേന്ദ്ര സായുധ പോലീസ് സേനയോടും (സിഎപിഎഫ്) അതിർത്തി സംസ്ഥാനങ്ങളിലെ പോലീസ് ഉദ്യോഗസ്ഥരോടും കേന്ദ്ര ആഭ്യന്തരമന്ത്രാലയം നിർദേശിച്ചതായി റിപ്പോർട്ട്.
അതിർത്തിസുരക്ഷാ സേന (ബിഎസ്എഫ്), ഇൻഡോ-ടിബറ്റൻ അതിർത്തി സേന, സശസ്ത്ര സീമ ബൽ, ആസാം റൈഫിൾസ്, അതിർത്തി സംസ്ഥാനങ്ങളിലെ പോലീസ് തലവന്മാർ എന്നിവർക്ക് ഇതുസംബന്ധിച്ച നിർദേശം നൽകിയിട്ടുണ്ടെന്നാണു സൂചന.
