കാന്ബറ: ഓസ്ട്രേലിയയുടെ ഏറ്റവും കുറഞ്ഞ മൂല്യമുള്ള കറന്സിയായ അഞ്ച് ഡോളര് നോട്ടില് വരുത്തുന്ന വിപ്ലവകരമായ മാറ്റങ്ങള് രാഷ്ട്രീയ വിവാദങ്ങള്ക്ക് തിരികൊളുത്തുന്നു.അന്തരിച്ച എലിസബത്ത് രാജ്ഞിക്ക് പകരം ബ്രിട്ടനിലെ പുതിയ രാജാവായ ചാര്ലസ് മൂന്നാമന്റെ ചിത്രം ഉള്പ്പെടുത്തേണ്ടതില്ലെന്ന റിസര്വ് ബാങ്ക് ഓഫ് ഓസ്ട്രേലിയയുടെ (RBA) തീരുമാനമാണ് വിവാദങ്ങള്ക്ക് കാരണം.
പുതിയ നോട്ടിന്റെ ഒരു വശത്ത് ഓസ്ട്രേലിയയിലെ തദ്ദേശീയ ജനവിഭാഗങ്ങളുടെ (F-ir-st N-a-tion-s p-eop-l-e) സംസ്കാരത്തെയും ചരിത്രത്തെയും പ്രതിനിധീകരിക്കുന്ന ചിത്രങ്ങളായിരിക്കും ഉണ്ടാകുക.’കണക്ഷന് ടു കണ്ട്രി’ (Conn-e-c-tion to Coun-try) എന്ന പ്രമേയത്തിലൂന്നിയാകും ഇതിന്റെ രൂപകല്പ്പന.ഓസ്ട്രേലിയയുടെ ആകാശം,ഭൂമി,ജലം എന്നിവയുമായി തദ്ദേശീയര്ക്കുള്ള അഭേദ്യമായ ബന്ധം വ്യക്തമാക്കുന്ന കലാരൂപങ്ങള് നോട്ടില് ഇടംപിടിക്കും.1992-ന് ശേഷം ആദ്യമായാണ് ഒരു വ്യക്തിയുടെ പോലും ചിത്രമില്ലാത്ത നോട്ട് ഓസ്ട്രേലിയ പുറത്തിറക്കുന്നത്.നോട്ടിന്റെ മറുഭാഗത്ത് നിലവിലുള്ളതുപോലെ തന്നെ ഓസ്ട്രേലിയന് പാര്ലമെന്റിന്റെ ചിത്രം തുടരും.ഏകദേശം 2,100-ലധികം പൊതുജന നിര്ദ്ദേശങ്ങള് പരിഗണിച്ചാണ് ഈ പുതിയ പ്രമേയം തിരഞ്ഞെടുത്തത്.
ഗവണ്മെന്റിന്റെ ഈ തീരുമാനത്തിനെതിരെ പ്രതിപക്ഷവും മോണാര്ക്കിസ്റ്റ് ഗ്രൂപ്പുകളും രംഗത്തെത്തിയിട്ടുണ്ട്. ഇത് ഓസ്ട്രേലിയയുടെ പാരമ്പര്യത്തിന്മേലുള്ള കടന്നുകയറ്റമാണെന്ന് പ്രതിപക്ഷ നേതാവ് പീറ്റര് ഡട്ടണ് ആരോപിച്ചു.വോക്ക്’ (Woke) രാഷ്ട്രീയത്തിന്റെ ഭാഗമായാണ് ലേബര് ഗവണ്മെന്റ് രാജകുടുംബത്തെ കറന്സിയില് നിന്ന് ഒഴിവാക്കുന്നതെന്ന് അദ്ദേഹം കുറ്റപ്പെടുത്തി.
രാജാവിന്റെ ചിത്രവും തദ്ദേശീയ കലാരൂപങ്ങളും ഒരേ നോട്ടില് ഉള്പ്പെടുത്തണമെന്ന ആവശ്യവുമായി ഓസ്ട്രേലിയന് മോണാര്ക്കിസ്റ്റ് ലീഗ് രംഗത്തെത്തി.ഇതിനായി അവര് പുതിയൊരു ഡിസൈനും ഗവണ്മെന്റിന് സമര്പ്പിച്ചു.നോട്ടുകളില് നിന്ന് ഒഴിവാക്കിയെങ്കിലും ഓസ്ട്രേലിയന് നാണയങ്ങളില് ചാര്ലസ് രാജാവിന്റെ ചിത്രം തുടര്ന്നും ഉണ്ടാകും.നോട്ട് പരിഷ്കരണത്തിന്റെ ഭാഗമായുള്ള കണ്സള്ട്ടേഷനായി മാത്രം ഇതിനകം അഞ്ച് ലക്ഷം ഡോളറിലധികം ചെലവായത് സാമ്പത്തിക വിമര്ശനങ്ങള്ക്കും ഇടയാക്കിയിട്ടുണ്ട്.
