ടിയാന്ജിന് (ചൈന): 12-ാമത് ഏഷ്യന് ഇന്ഡോര് അത്ലറ്റിക്സ് ചാമ്പ്യന്ഷിപ്പില് ഇന്ത്യയുടെ മലയാളി താരം ആന്സി സോജനു വെങ്കലം. വനിതാ ലോംഗ്ജംപില് 6.21 മീറ്റര് ക്ലിയര് ചെയ്താണ് ആന്സി വെങ്കലം സ്വന്തമാക്കിയത്. അഞ്ചാം ശ്രമത്തിലായിരുന്നു ആന്സി ഈ ദൂരം ക്ലിയര് ചെയ്തത്. ചൈനയുടെ സിയോങ് ഷിഖി (6.42), ലി ഹിഷ്വാങ് (6.39) എന്നിവര് സ്വര്ണവും വെള്ളിയും സ്വന്തമാക്കി.
പുരുഷ ഹൈജംപില് ജ്യോതി ശങ്കര് ആദര്ശിലൂടെ (2.19 മീറ്റര്) ആയിരുന്നു ഇന്ത്യന് അക്കൗണ്ടില് ആദ്യ വെങ്കലം എത്തിയത്. ഏഷ്യന് ഇന്ഡോറില് ഇന്ത്യയുടെ ആദ്യ പുരുഷ ഹൈജംപ് മെഡലാണ്.
