വാഷിംഗ്ടൺ: അമേരിക്കൻ പ്രസിഡന്റ് ഡൊണാൾഡ് ട്രംപ് ഏർപ്പെടുത്തിയ ആഗോള ഇറക്കുമതി ചുങ്കം (Global Tariffs) ഭരണഘടനാ വിരുദ്ധമാണെന്ന യുഎസ് സുപ്രീം കോടതിയുടെ വിധി അന്താരാഷ്ട്ര വ്യാപാര രംഗത്ത് വലിയ ചർച്ചകൾക്ക് വഴിവെച്ചിരിക്കുകയാണ്. 1977-ലെ ‘ഇന്റർനാഷണൽ എമർജൻസി ഇക്കണോമിക് പവേഴ്സ് ആക്ട്’ (IEEPA) ദുരുപയോഗം ചെയ്താണ് ട്രംപ് നികുതി വർദ്ധിപ്പിച്ചതെന്ന് കോടതി കണ്ടെത്തി.
നികുതി ചുമത്താനുള്ള അധികാരം അമേരിക്കൻ കോൺഗ്രസിനാണെന്നും (പാർലമെന്റ്), പ്രസിഡന്റിന് ഏകപക്ഷീയമായി അടിയന്തരാവസ്ഥ പ്രഖ്യാപിച്ച് നികുതി വർദ്ധിപ്പിക്കാൻ കഴിയില്ലെന്നും കോടതി വ്യക്തമാക്കി.കോടതി വിധി അന്തിമമായതിനാൽ ഒരു സാധാരണ എക്സിക്യൂട്ടീവ് ഉത്തരവിലൂടെ പ്രസിഡന്റിന് ഇത് മറികടക്കാനാവില്ല.കോടതി വിധി തിരിച്ചടിയാണെങ്കിലും, ട്രംപ് മറ്റ് നിയമപരമായ പഴുതുകൾ തേടാൻ സാധ്യതയുണ്ട്.
