അഹമ്മദാബാദ്: ഐ.സി.സി പുരുഷ ടി-20 ലോകകപ്പിലെ കലാശപ്പോരാട്ടം ഇന്ന്. ലോകകപ്പ് കിരീടത്തിനായി ഇന്ത്യയും ന്യൂസിലൻഡും തമ്മിലുള്ള ഫൈനൽ മൽസരം ഇന്ന് രാത്രി ഏഴ് മണിക്ക് അഹമ്മദാബാദിൽ നടക്കും.ഏറെ ആവേശത്തോടെയാണ് ലോകമെമ്പാടുമുള്ള ക്രിക്കറ്റ് ആരാധകർ ഈ ഫൈനൽ മൽസരത്തെ ഉറ്റുനോക്കുന്നത്.
സെമി ഫൈനലിൽ മികച്ച പ്രകടനം കാഴ്ചവെച്ചാണ് ഇരുടീമുകളും ഫൈനലിലേക്ക് മുന്നേറിയത്. മലയാളി സൂപ്പർ താരം സഞ്ജു സാംസണിന്റെ നേതൃത്വത്തിലുള്ള ഇന്ത്യൻ ടീം ഏറെ ആത്മവിശ്വാസത്തിലാണ് ഫൈനലിനായി അഹമ്മദാബാദിൽ ഇറങ്ങുന്നത്. സഞ്ജു സാംസണിന്റെ ബാറ്റിംഗ് മികവ് ഇന്ത്യക്ക് വലിയ കരുത്താകുമെന്നാണ് വിലയിരുത്തപ്പെടുന്നത്.
ലോകകപ്പിന്റെ നിർണ്ണായക മൽസരങ്ങളിൽ തുടർച്ചയായ മികച്ച പ്രകടനങ്ങൾ കാഴ്ചവെച്ച സഞ്ജു, ഫൈനലിലും മികച്ച പ്രകടനം ആവർത്തിക്കുമെന്ന പ്രതീക്ഷയിലാണ് ആരാധകർ. എന്തായാലും, അഹമ്മദാബാദിലെ നരേന്ദ്ര മോദി സ്റ്റേഡിയത്തിൽ നടക്കുന്ന ആവേശകരമായ ഫൈനൽ പോരാട്ടത്തിൽ ആരാണ് ലോക ചാമ്പ്യന്മാരാവുക എന്ന് അറിയാൻ കാത്തിരിക്കുകയാണ് ക്രിക്കറ്റ് ലോകം.
