തിരുവനന്തപുരം: കേരള നിയമസഭാ തിരഞ്ഞെടുപ്പിന് മുന്നോടിയായി യുഡിഎഫിൽ മുഖ്യമന്ത്രി സ്ഥാനത്തെ ചൊല്ലി നടക്കുന്ന ചർച്ചകൾ അനാവശ്യമാണെന്ന് ശശി തരൂർ എംപി. തിരഞ്ഞെടുപ്പിന് മുൻപേ ഇത്തരത്തിലുള്ള ചർച്ചകൾ നടത്തുന്നത് ജനാധിപത്യപരമായ കീഴ് വഴക്കമല്ലെന്നും അദ്ദേഹം വ്യക്തമാക്കി.
തിരഞ്ഞെടുപ്പിൽ വിജയിച്ച ശേഷം എംഎൽഎമാരും പാർട്ടി ഹൈക്കമാൻഡുമാണ് മുഖ്യമന്ത്രിയെ തീരുമാനിക്കേണ്ടത്. ഇപ്പോഴേ വ്യക്തികളെ കേന്ദ്രീകരിച്ചുള്ള ചർച്ചകൾ നടത്തുന്നത് ഗുണകരമാകില്ലെന്ന് അദ്ദേഹം ചൂണ്ടിക്കാട്ടി.
സംസ്ഥാനത്തെ സാമ്പത്തിക പ്രതിസന്ധിയും വികസന മുരടിപ്പും ചർച്ചയാക്കി തിരഞ്ഞെടുപ്പിനെ നേരിടാനാണ് യുഡിഎഫ് മുൻഗണന നൽകുന്നതെന്നും, വ്യക്തിഗതമായ സ്ഥാനമാനങ്ങളെക്കുറിച്ചുള്ള ചർച്ചകൾ ഇപ്പോൾ പ്രസക്തമല്ലെന്നും തരൂർ കൂട്ടിച്ചേർത്തു.
