തിരുവനന്തപുരം: പുതിയ യു.ഡി.എഫ് മന്ത്രിസഭയുടെ സത്യപ്രതിജ്ഞാ ചടങ്ങിൽ ‘വന്ദേമാതരം’ പൂർണരൂപത്തിൽ ആലപിച്ചതിനെതിരെ സി.പി.എം രംഗത്ത്. സർക്കാർ ചടങ്ങിൽ മുഴുവൻ ഗാനം ആലപിപ്പിച്ചത് ശരിയായ നടപടിയല്ലെന്ന് സി.പി.എം സംസ്ഥാന സെക്രട്ടേറിയറ്റ് വിമർശിച്ചു.
ദേശീയഗാനമായ ‘ജനഗണമന’യോട് സമാന പ്രാധാന്യത്തിൽ ‘വന്ദേമാതരം’ ആലപിക്കാൻ ശ്രമിക്കുന്നത് ഭരണഘടനാപരമായ രീതികളിൽ നിന്ന് വ്യതിചലിക്കുന്നതാണെന്ന് പാർട്ടി അഭിപ്രായപ്പെട്ടു. മതനിരപേക്ഷതയുടെ അടിസ്ഥാനത്തിൽ സർക്കാർ ചടങ്ങുകൾ നടത്തേണ്ടതുണ്ടെന്നും സി.പി.എം വ്യക്തമാക്കി.
സത്യപ്രതിജ്ഞാ ചടങ്ങിൽ മുഴുവൻ ‘വന്ദേമാതരം’ അവതരിപ്പിച്ചത് അനാവശ്യ വിവാദങ്ങൾക്ക് ഇടയാക്കുന്നതാണെന്നും ദേശീയചിഹ്നങ്ങളെ രാഷ്ട്രീയപരമായി ഉപയോഗിക്കരുതെന്നും പാർട്ടി ചൂണ്ടിക്കാട്ടി.
