ലണ്ടൻ: ബ്രിട്ടീഷ് പ്രധാനമന്ത്രി കീയർ സ്റ്റാർമർ രാജിവെക്കുന്നതായി പ്രഖ്യാപിച്ചു. അധികാര കൈമാറ്റം ക്രമബദ്ധമായി നടത്തുമെന്ന് അദ്ദേഹം അറിയിച്ചു. പുതിയ നേതാവിനെ തിരഞ്ഞെടുക്കുന്നതുവരെ സ്റ്റാർമർ പ്രധാനമന്ത്രിയായി തുടരുമെന്നാണ് റിപ്പോർട്ടുകൾ.
2024ലെ പൊതുതെരഞ്ഞെടുപ്പിൽ ലേബർ പാർട്ടിയെ വൻവിജയത്തിലേക്ക് നയിച്ച സ്റ്റാർമറുടെ നേതൃത്വത്തിന് കഴിഞ്ഞ മാസങ്ങളിൽ പാർട്ടിക്കുള്ളിൽ നിന്ന് ശക്തമായ വിമർശനമുയർന്നിരുന്നു. സമീപകാല പ്രാദേശിക തെരഞ്ഞെടുപ്പുകളിലെ മോശം പ്രകടനവും ജനപിന്തുണയിലെ ഇടിവും അദ്ദേഹത്തിനുമേൽ സമ്മർദം വർധിപ്പിച്ചതായി റിപ്പോർട്ടുകളുണ്ട്.
സ്റ്റാർമറുടെ പിൻഗാമിയായി ആരെത്തുമെന്ന ചർച്ചകൾ ഇതിനകം ആരംഭിച്ചിട്ടുണ്ട്. മുൻ ആരോഗ്യ സെക്രട്ടറി വെസ് സ്റ്റീറിങ്, ഉപപ്രധാനമന്ത്രി ആഞ്ചെല റെയ്നർ, മുൻ നേതൃനിര അംഗം എഡ് മിലിബാൻഡ് എന്നിവരുടെ പേരുകൾ ഉയർന്നുകേൾക്കുന്നുണ്ടെന്ന് റിപ്പോർട്ടുകൾ സൂചിപ്പിക്കുന്നു. അതേസമയം, ആൻഡി ബർൺ ഹാം പ്രധാന പകരക്കാരനായി പരിഗണിക്കപ്പെടുന്നതായും അന്താരാഷ്ട്ര മാധ്യമങ്ങൾ റിപ്പോർട്ട് ചെയ്യുന്നു.
