മെൽബൺ: യുവാക്കൾക്കിടയിലെ കുറ്റകൃത്യങ്ങൾ തടയുന്നതിനുള്ള നടപടികൾ ശക്തമാക്കുന്നതിന്റെ ഭാഗമായി വിക്ടോറിയൻ സർക്കാർ 17 പുതിയ അതിക്രമ പ്രതിരോധ പദ്ധതികൾ പ്രഖ്യാപിച്ചു. കൗമാര കുറ്റകൃത്യങ്ങൾ ഏറ്റവും കൂടുതൽ ബാധിച്ച കമ്മ്യൂണിറ്റികളിലാണ് കാരോൾ സർക്കാർ ഈ പദ്ധതികൾ നടപ്പിലാക്കുന്നത്.
അക്രമപരമായ കുറ്റകൃത്യങ്ങൾക്ക് കടുത്ത ശിക്ഷാനടപടികൾ ഉറപ്പാക്കുന്നതിനൊപ്പം തന്നെ യുവാക്കൾ തെറ്റായ വഴികളിലേക്ക് തിരിയുന്നത് തടയാൻ നേരത്തെയുള്ള ഇടപെടലുകൾ നടത്തുകയാണ് സർക്കാരിന്റെ ലക്ഷ്യമെന്ന് പ്രീമിയർ ബെൻ കാരോൾ എം.പി വ്യക്തമാക്കി. കുറ്റകൃത്യങ്ങളും ജാമ്യനിയമങ്ങളും പ്രധാന തിരഞ്ഞെടുപ്പ് വിഷയങ്ങളായി തുടരുന്ന പശ്ചാത്തലത്തിലാണ് ഈ പുതിയ പ്രഖ്യാപനം. അതേസമയം, കൂടുതൽ കർശനമായ പോലീസിംഗ്, ജാമ്യനിയമങ്ങൾ, ശിക്ഷാനടപടികൾ എന്നിവ നടപ്പിലാക്കണമെന്ന് ആവശ്യപ്പെട്ട് പ്രതിപക്ഷവും രംഗത്തുണ്ട്.
