ബോഡൻ: സൗത്ത് ഓസ്ട്രേലിയയിലെ ബോഡനിൽ വീടിന് നേരെ പുലർച്ചെ പെട്രോൾ ബോംബ് (മൊളോടോവ് കോക്ക്ടെയിൽ) എറിഞ്ഞതായി പരാതി. സെപ്റ്റംബർ 14 തിങ്കളാഴ്ച പുലർച്ചെ അഞ്ച് മണിക്ക് തൊട്ടുമുമ്പ് ഫോർത്ത് സ്ട്രീറ്റിലുള്ള ഒരു വീടിന് നേരെയാണ് ആക്രമണമുണ്ടായത്.
സംഭവസ്ഥലത്തേക്ക് എമർജൻസി സർവീസുകൾ ഉടൻ എത്തുകയും എം.എഫ്.എസ് (മെട്രോപൊളിറ്റൻ ഫയർ സർവീസ്) സംഘം അതിവേഗം തീ നിയന്ത്രണവിധേയമാക്കുകയും ചെയ്തു. അക്രമണത്തിൽ ആർക്കും പരിക്കേറ്റിട്ടില്ലെന്നാണ് റിപ്പോർട്ട്.
സംഭവത്തിന് പിന്നിൽ പ്രവർത്തിച്ചവരെ കണ്ടെത്താനും ആക്രമണത്തിന്റെ കാരണം വ്യക്തമാക്കാനുമായി പോലീസ് വിശദമായ അന്വേഷണം ആരംഭിച്ചു. പ്രദേശത്തെ സിസിടിവി, ഡാഷ്കാം ദൃശ്യങ്ങളും ദൃക്സാക്ഷികളെയും പോലീസ് തേടുന്നുണ്ട്. വിവരങ്ങൾ അറിയാവുന്നവർ 1800 333 000 എന്ന നമ്പറിൽ ക്രൈം സ്റ്റോപ്പേഴ്സുമായി ബന്ധപ്പെടണമെന്ന് പോലീസ് അഭ്യർത്ഥിച്ചു (റഫറൻസ് നമ്പർ: 239818). വീടുകൾക്ക് നേരെയുള്ള ഇത്തരം ബോംബാക്രമണങ്ങൾക്കെതിരെ കർശന നിയമനടപടികൾ സ്വീകരിക്കണമെന്ന ആവശ്യവും ശക്തമാകുന്നുണ്ട്.
