മലയാളത്തിന്റെ പ്രിയനടന് മോഹന്ലാലിന്റെ മാതാവ് ശാന്തകുമാരി അമ്മ (90) അന്തരിച്ചു. കൊച്ചി എളമക്കരയിലെ വീട്ടിലായിരുന്നു അന്ത്യം.പക്ഷാഘാതത്തെ തുടര്ന്ന് ഏറെ നാളായി ചികിത്സയിലായിരുന്നു. പരിചരിക്കുന്ന ആളുകളാണ് മരണസമയത്ത് ശാന്തകുമാരി അമ്മയുടെ ഒപ്പമുണ്ടായിരുന്നത്. മോഹൻലാലും വീട്ടിലേക്ക് എത്തിയിട്ടുണ്ട്. എളമക്കരയിൽ വീടിനടുത്തുള്ള അമൃത ആശുപത്രിയിലാണ് ശാന്തകുമാരിയമ്മയുടെ ചികിത്സ നടത്തിയിരുന്നത്.മരണവിവരം അറിഞ്ഞ് സഹപ്രവര്ത്തകരും സിനിമാപ്രവര്ത്തകരും വീട്ടിലേക്ക് എത്തിച്ചേരുന്നുണ്ട്
അന്തരിച്ച മുന് നിയമസെക്രട്ടറി വിശ്വനാഥന് നായരാണ് ഭര്ത്താവ്. പരേതനായ പ്യാരിലാല് ആണ് മറ്റൊരു മകന്. സംസ്കാരം നാളെ നടക്കും.
