നടിയെ ആക്രമിച്ച കേസില് കുറ്റക്കാരെന്ന് കണ്ടെത്തിയ ആറ് പ്രതികളുടെ ശിക്ഷ വിചാരണ കോടതി ഇന്ന് പ്രഖ്യാപിക്കും ഒന്നാം പ്രതി പള്സര് സുനി ഉള്പ്പെടെ ആറ് പ്രതികള്ക്കും ജീവപര്യന്തം ശിക്ഷ നല്കണമെന്ന് പ്രോസിക്യൂഷന് വാദിക്കും. എന്നാല് പ്രതികള് ഏഴര വര്ഷം വരെ തടവുശിക്ഷ അനുഭവിച്ചതിനാല് ശിക്ഷയില് ഇളവ് വേണമെന്നാണ് പ്രതിഭാഗം നിലപാട്. ശിക്ഷാവിധി ഇന്ന് തന്നെ പ്രഖ്യാപിച്ചാല് കേസില് ദിലീപിനെ വെറുതെ വിട്ട വിധി പകര്പ്പും ഇന്നുതന്നെ പുറത്ത് വന്നേക്കും.
നടിയെ ആക്രമിച്ച കേസിലെ ഗൂഢാലോചനയില് ദിലീപിന് പങ്കില്ലെന്ന് വിചാരണ കോടതി ഉത്തരവിട്ടതിന് പിന്നാലെ വന് പ്രതിഷേധം ഉയര്ന്നിരുന്നു.
ബലാല്സംഗം, തട്ടിക്കൊണ്ടുപോകല് അടക്കം ഗുരുതര കുറ്റങ്ങളാണ് തെളിഞ്ഞിരിക്കുന്നത്. അതുകൊണ്ടുതന്നെ ജീവപര്യന്തം ശിക്ഷ വിധിക്കണമെന്നാണ് ആവശ്യം. എന്നാല് ശിക്ഷയില് പരമാവധി ഇളവു നല്കണമെന്ന് ആവശ്യപ്പെടാനാണ് പ്രതിഭാഗം നീക്കം. ഒന്നാം പ്രതി പള്സര് സുനി ഏഴര വര്ഷവും രണ്ടാം പ്രതി മാര്ട്ടിനടക്കമുളളവര് ആറര വര്ഷവും റിമാന്ഡ് കാലാവധിയില് തടവില്ക്കഴിഞ്ഞു. അത് കണക്കാക്കി ശിക്ഷ ഇളവ് ചെയ്യണമെന്നാകും ആവശ്യപ്പെടുക
