ഒ.വി.വിജയന്റെ ‘മാസ്റ്റർപീസ്’ ‘
ഖസാക്കിന്റെ ഇതിഹാസം മാതൃഭൂമി ആഴ്ചപ്പതിപ്പിൽ
ഖണ്ഡ:ശ പ്രസിദ്ധീകരിച്ചുതുടങ്ങിയത്
58 വർഷം മുൻപ് ഇതേ ദിവസം…
ഓട്ടുപുലാക്കൽ വേലുക്കുട്ടി വിജയൻ എന്ന
ഒ.വി.വിജയൻ ….
മലയാള നോവൽ സാഹിത്യത്തിലെ ആധുനികതയുടെ
” ഇതിഹാസം”
1968 ജനുവരി 28 മുതൽ…. 28 ആഴ്ചകളിലായി …
മലയാളത്തിൽ ഇന്നേവരെ പ്രസിദ്ധീകരിക്കപ്പെട്ടിട്ടുള്ളതിൽ
ഏറ്റവും മികച്ച കൃതികളിൽ ഒന്നായി
ഖസാക്കിൻ്റെ ഇതിഹാസം കണക്കാക്കുന്നതിൽ ‘
അതിൽ അടങ്ങിയിരിക്കുന്ന
“ഭാഷാപരവും പ്രമേയപരവുമായ ഔന്നത്യം ” –
അത് അത്ര വലുതാണ്.
പാലക്കാട്ടെ തസ്രാക്ക് എന്ന സ്ഥലത്തെ
ഗ്രാമീണപശ്ചാത്തലങ്ങൾ ,
എഴുത്തുരീതി, ഘടന , ഭാഷ,
ഇതെല്ലാം അന്നുവരെയുണ്ടായിരുന്ന സാഹിത്യസങ്കൽപ്പങ്ങളെ
മാറ്റിമറിച്ചു എന്നുവേണം പറയാൻ
അതേ….അന്ന് വരെ മലയാളി പരിചയിച്ചിട്ടില്ലാത്ത പുതിയൊരുതരം ഭാഷ.
മലയാളികളുടെ വായനസംസ്കാരത്തെ
മാറ്റിമറിച്ച പുതിയ തുടക്കം….
അപരിചിതമായ വാക്കുകളും ശൈലിയും .
അന്നുവരെ മലയാളികൾ
കണ്ടതിൽനിന്നും വേറിട്ട വായനഅനുഭവവും …
* അപ്പുക്കിളി ; അള്ളാപ്പിച്ച മൊല്ലാക്ക
തുടങ്ങിയ കഥാപാത്രസൃഷ്ടിയ്ക്ക്
എ.എസ്.നായർ രേഖാചിത്രം നൽകി …
അത്തിപ്പറ്റ ശിവരാമൻ നായർ എന്ന
എ.എസ്. നായർ ഓരോ ലക്കത്തിനും
മികവുറ്റ രേഖാ ചിത്രങ്ങൾ നൽകി .
ഈ നോവലിസ്റ്റിന്റെ മനസ്സിനോടൊപ്പം സഞ്ചരിച്ചു …
1969 – ൽ തൃശൂരിലെ കറന്റ് ബുക്സ്
ആദ്യമായി ഇത് പുസ്തകമായും പ്രസിദ്ധീകരിച്ചു…
1990 ആഗസ്റ്റ് (First Edition) മുതൽ ഡി.സി.ബുക്സ് പ്രസിദ്ധീകരിച്ചു
തുടങ്ങി.
അരനൂറ്റാണ്ടിനിടയിൽ മലയാളത്തിൽ എഴുതപ്പെട്ടിട്ടുള്ളകൃതികളിൽ
ഏറ്റവുംമികച്ചത് എന്ന് വിശേഷിപ്പിക്കാവുന്ന
സർഗസൃഷ്ടി…
ഖസാക്കിന് മുൻപും പിൻപും എന്ന് മലയാള സാഹിത്യത്തെ
അടയാളപ്പെടുത്തിയ കൃതി .
കാഴ്ചയിൽ ചെറുതെങ്കിലും പുസ്തക ഷെൽഫിലെ
ഏറ്റവും വലിയകൃതി എന്ന സംതൃപ്തിയാണ്
ഓരോ പുസ്തകപ്രേമികളുടേയും മനസ്സിൽ ഖസാക്കിനുള്ള സ്ഥാനം.
ആഴ്ചപ്പതിപ്പിലെ അന്നത്തെ വര…
( കുറിപ്പും ചിത്രവും… ശേഖരത്തിൽ നിന്നും )
വിജയൻ ന്യൂസ്പ്രിൻ്റ് നഗർ
