ബ്രിസ്ബേൻ: ഈ വർഷത്തെ ഈസ്റ്റർ-വിഷു ആഘോഷങ്ങൾക്ക് മാറ്റുകൂട്ടാൻ പ്രശസ്ത പിന്നണി ഗായകൻ എം.ജി. ശ്രീകുമാറും സംഘവും ഓസ്ട്രേലിയയിലെത്തുന്നു. ‘ബ്രിസ്ബേൻ സ്റ്റാർസ് ക്ലബ്ബ്’ ഒരുക്കുന്ന ‘ആട്ടം കൊണ്ടാട്ടം 2026’ എന്ന സംഗീത നിശയിൽ മലയാളികൾക്ക് പ്രിയപ്പെട്ട ഹിറ്റ് ഗാനങ്ങളുടെ വൻശേഖരമാണ് കാത്തിരിക്കുന്നത്.
യുവഗായകരായ ശിഖ, റഹ്മാൻ, നിത്യ മാമൻ എന്നിവരടങ്ങുന്ന ഊർജ്ജസ്വലമായ സംഘമാണ് എം.ജി. ശ്രീകുമാറിനൊപ്പമുള്ളത്. ലൈവ് ഓർക്കസ്ട്രയുടെ അകമ്പടിയോടെ മെട്രോ നഗരങ്ങളിൽ രണ്ട് ദിവസങ്ങളിലായാണ് ഷോ സംഘടിപ്പിച്ചിരിക്കുന്നത്.
പ്രോഗ്രാം വിവരങ്ങൾ:
ബ്രിസ്ബേൻ: മാർച്ച് ആറിന് ‘ദി ചാൻഡലർ തിയേറ്ററിൽ’ വെച്ചാണ് ആദ്യ പ്രകടനം.
മെൽബൺ: മാർച്ച് ഏഴിന് ‘ബൺജിൽ (Bunjil) തിയേറ്ററിൽ’ സംഗീത നിശ നടക്കും.
കാലാതീതമായ ക്ലാസിക്കുകൾ മുതൽ ഏറ്റവും പുതിയ ഹിറ്റ് ഗാനങ്ങൾ വരെ ഉൾപ്പെടുത്തി, എല്ലാ പ്രായക്കാർക്കും ആസ്വദിക്കാവുന്ന രീതിയിലാണ് ഈ സംഗീതയാത്ര അണിയിച്ചൊരുക്കിയിരിക്കുന്നത്. ഈസി ഹോംസ് ലോൺസ് / സെയിൽസ് ആൻഡ് റെന്റൽസ് ആണ് പരിപാടിയുടെ മുഖ്യ സ്പോൺസർമാർ.
രണ്ട് നഗരങ്ങളിലും ടിക്കറ്റ് വിൽപ്പന പുരോഗമിക്കുകയാണെന്നും മനംമയക്കുന്ന ഈ സംഗീത വിരുന്ന് ആസ്വദിക്കാൻ മലയാളികൾ നേരത്തെ തന്നെ ടിക്കറ്റുകൾ ഉറപ്പാക്കണമെന്നും സംഘാടകർ അറിയിച്ചു.
