കാന്ബറ:വിവിധ മേഖലകളില് രാജ്യത്തിന് നല്കിയ മഹത്തായ സംഭാവനകള് പരിഗണിച്ചണ് 2026-ലെ ഓസ്ട്രേലിയ ഡേ ഓണേഴ്സ് പട്ടിക പ്രഖ്യാപിച്ചത്.കായികം,കല, ശാസ്ത്രം,സാമൂഹിക സേവനം എന്നീ മേഖലകളില് നിന്നുള്ള പ്രമുഖരാണ് ഇത്തവണത്തെ പട്ടികയില് ഇടംപിടിച്ചത്.
ഒളിമ്പിക് ഇതിഹാസം കാത്തി ഫ്രീമാന് രാജ്യത്തെ പരമോന്നത സിവിലിയന് ബഹുമതികളിലൊന്നായ കമ്പാനിയന് ഓഫ് ദി ഓര്ഡര് (AC) ലഭിച്ചു.കായികരംഗത്തെ നേട്ടങ്ങള്ക്കും ഗോത്രവിഭാഗക്കാരായ കുട്ടികളുടെ വിദ്യാഭ്യാസത്തിനായി അവര് നടത്തുന്ന ജീവകാരുണ്യ പ്രവര്ത്തനങ്ങള്ക്കുമാണ് ആദരം.
ലോകപ്രശസ്ത ഹോളിവുഡ് താരം ഹ്യൂ ജാക്ക്മാന് കലാരംഗത്തെ സംഭാവനകള്ക്കും വിവിധ ചാരിറ്റി പ്രവര്ത്തനങ്ങള്ക്കും പുരസ്കാരത്തിന് അര്ഹനായി.ക്യാന്സര് ഗവേഷണ രംഗത്തെ പുതിയ കണ്ടെത്തലുകള്ക്കും ചികിത്സാരീതികള് ലളിതമാക്കുന്നതിനും അദ്ദേഹം നല്കിയ സേവനങ്ങള് പരിഗണിച്ച് ഓഫീസര് ഓഫ് ദി ഓര്ഡര് (AO) ബഹുമതി നല്കി.ഓസ്ട്രേലിയന് പ്രതിരോധ സേനയിലെ 12 അംഗങ്ങള്ക്ക് അവരുടെ അസാധാരണമായ സേവനത്തിന് മെഡല് ഓഫ് ദി ഓര്ഡര് (OAM) ലഭിച്ചു.
പ്രാദേശിക തലത്തില് വനസംരക്ഷണം,മാനസികാരോഗ്യം എന്നീ മേഖലകളില് പ്രവര്ത്തിക്കുന്ന 200-ലധികം സാധാരണക്കാര്ക്കും ഇത്തവണ അംഗീകാരം ലഭിച്ചു എന്നത് ശ്രദ്ധേയമാണ്.ഈ വര്ഷത്തെ പുരസ്കാര പട്ടികയുടെ 52% വും സ്ത്രീകള്ക്കാണെന്ന പ്രത്യേകതയുമുണ്ട്.പുരസ്കാര വിതരണത്തില് ലിംഗസമത്വം ഉറപ്പാക്കാനുള്ള ഗവണ്മെന്റ് നീക്കത്തിന്റെ ഫലമായാണ് ഇത് വിലയിരുത്തപ്പെടുന്നത്.
