സിഡ്നി: 13 മില്യണ് ഡോളറിലധികം (ഏകദേശം 100 കോടിയിലധികം രൂപ) വിലമതിക്കുന്ന മയക്കുമരുന്ന് സിഡ്നിയിലേക്ക് കടത്താന് ശ്രമിച്ച 40-കാരിയായ സ്ത്രീയെ ഓസ്ട്രേലിയന് ഫെഡറല് പോലീസും ബോര്ഡര് ഫോഴ്സും ചേര്ന്ന് പിടികൂടി. ന്യൂ സൗത്ത് വെയില്സിലെ ബോണിറിഗ് സ്വദേശിയായ ഇവരെ ഇന്ന് കോടതിയില് ഹാജരാക്കും.
ഡിസംബര് 26-ന് സിഡ്നി രാജ്യാന്തര വിമാനത്താവളത്തില് വന്നിറങ്ങിയ ഇവരുടെ ലഗേജ് പരിശോധിച്ചപ്പോഴാണ് മയക്കുമരുന്ന് കണ്ടെത്തിയത്.
കണ്ടെത്തല്: ‘ചായപ്പൊടി’ എന്ന് രേഖപ്പെടുത്തിയ 18 വാക്വം സീല്ഡ് കവറുകളിലായാണ് 15 കിലോ മെത്താംഫെറ്റാമൈന് ഒളിപ്പിച്ചിരുന്നത്. പരിശോധനയില് ഇത് മയക്കുമരുന്നാണെന്ന് സ്ഥിരീകരിച്ചു.
പിടികൂടിയ മയക്കുമരുന്നിന് വിപണിയില് ഏകദേശം 13 മില്യണ് ഡോളര് വിലമതിക്കുമെന്ന് അധികൃതര് അറിയിച്ചു. ഇത് 1,50,000 പേര്ക്ക് ഉപയോഗിക്കാന് തികയുന്ന അളവാണ്.ജീവപര്യന്തം തടവ് വരെ ലഭിക്കാവുന്ന ഗുരുതരമായ കുറ്റമാണ് ഇവര്ക്കെതിരെ ചുമത്തിയിരിക്കുന്നത്.
