തിരുവനന്തപുരം: നിയമസഭാ തിരഞ്ഞെടുപ്പ് പ്രചാരണ പ്രവർത്തനങ്ങൾക്കായി ലോക്സഭാ പ്രതിപക്ഷ നേതാവ് രാഹുൽ ഗാന്ധി നാളെ കേരളത്തിലെത്തും. രണ്ട് ദിവസത്തെ സന്ദർശനത്തിനായി എത്തുന്ന അദ്ദേഹം മധ്യ കേരളത്തിലും വടക്കൻ കേരളത്തിലുമുള്ള വിവിധ പ്രചാരണ പരിപാടികളിൽ പങ്കെടുക്കും.മാർച്ച് 30, 31 (നാളെയും മറ്റന്നാളും) തീയതികളിലാണ് രാഹുൽ ഗാന്ധി കേരളത്തിൽ പര്യടനം നടത്തുന്നത്. നാളെ രാവിലെ തിരുവനന്തപുരം വിമാനത്താവളത്തിൽ എത്തുന്ന അദ്ദേഹം അവിടെനിന്ന് ഹെലികോപ്റ്റർ മാർഗ്ഗം പത്തനംതിട്ട ജില്ലയിലെ പ്രചാരണ പരിപാടികളിലേക്ക് പോകും. യുഡിഎഫ് സ്ഥാനാർത്ഥികളുടെ തിരഞ്ഞെടുപ്പ് പ്രചാരണത്തിന് ആവേശം പകരുക എന്ന ലക്ഷ്യത്തോടെയാണ് ഈ സന്ദർശനം.പ്രധാനമന്ത്രി നരേന്ദ്ര മോദി ഇന്ന് കേരളത്തിൽ പ്രചാരണം നടത്തുന്നതിനിടെയാണ് തൊട്ടുപിന്നാലെ രാഹുൽ ഗാന്ധിയും എത്തുന്നത് എന്നത് ശ്രദ്ധേയമാണ്. ഇതോടെ സംസ്ഥാനത്ത് തിരഞ്ഞെടുപ്പ് ആവേശം ഉച്ചസ്ഥായിയിലെത്തി.
