ന്യൂഡല്ഹി: ഏഴ് സംസ്ഥാനങ്ങളിലായി നടത്തിയ റെയ്ഡില് രാജ്യാന്തര സൈബര് തട്ടിപ്പ് സംഘം വലയില്. 50 കോടി രൂപയുടെ സൈബര് തട്ടിപ്പ് നടത്തിയ സംഘത്തിലെ 10 പേരെയാണ് 7 സംസ്ഥാനങ്ങളില് നിന്നായി ഡല്ഹി പൊലീസ് പിടികൂടിയത്. വ്യാജ ലോണ് ആപ്പുകള്, തൊഴില് വാഗ്ദാനം,ഷെല് കമ്പനികള് എന്നിവ ഉപയോഗിച്ചായിരുന്നു പ്രതികള് തട്ടിപ്പ് നടത്തിയത്. ഓപ്പറേഷന് ചക്രയുടെ ഭാഗമായിട്ടായിരുന്നു റെയ്ഡ്.
ഡല്ഹിക്കു പുറമെ കേരളം. മഹാരാഷ്ട്ര, ഒഡീഷ, പഞ്ചാബ്, ഉത്തര്പ്രദേശ്, ഹരിയാന എന്നിവിടങ്ങളില് നിന്നാണ് പ്രതികളെ പിടികൂടിയത്.കേരളത്തില് എവിടെയാണ് ഡല്ഹി പൊലീസ് റെയ്ഡ് നടത്തിയതെന്ന് വ്യക്തമല്ല. സംഘത്തിനെതിരെ 60 ഓളം പരാതികള് പൊലീസിന് ലഭിച്ചിരുന്നു. ഡിസംബര് 14ന് മറ്റൊരു സൈബര് തട്ടിപ്പ് സംഘത്തിനിതെിരെ സിബിഐ കുറ്റപത്രം സമര്പ്പിച്ചിരുന്നു. വ്യാജ ആപ്പുകളിലൂടെയും മറ്റും രാജ്യത്ത് നിരവധി പേരാണ് ദിനംപ്രതി തട്ടിപ്പിനിരയാകുന്നത്
