സിയാറ്റിൽ: ലോകത്തിലെ ഏറ്റവും ഉയർന്ന കൊടുമുടിയായ എവറസ്റ്റ് കീഴടക്കിയ ആദ്യ അമേരിക്കൻ പൗരൻ ജിം വിറ്റേക്കർ (97) അന്തരിച്ചു. 1963 മേയ് ഒന്നിനാണ് അദ്ദേഹം ചരിത്രപ്രധാനമായ ഈ നേട്ടം കൈവരിച്ചത്. എഡ്മണ്ട് ഹിലരിയും ടെൻസിംഗ് നോർഗേയും ആദ്യമായി എവറസ്റ്റ് കൊടുമുടിയിൽ എത്തിയതിന്റെ പത്താം വാർഷികത്തിലായിരുന്നു വിറ്റേക്കറുടെ ഈ വിജയം.നേപ്പാളി ഷേർപ്പയായ നവാംഗ് ഗോംബുവായിരുന്നു വിറ്റേക്കറുടെ വഴികാട്ടി. സിയാറ്റിലിൽ ജനിച്ച ജിം വിറ്റേക്കറും അദ്ദേഹത്തിന്റെ ഇരട്ട സഹോദരൻ ലൂവും ചെറുപ്പം മുതലേ പർവതാരോഹണത്തിൽ താല്പര്യമുള്ളവരായിരുന്നു. ഇരുവരും തങ്ങളുടെ പതിനാറാം വയസ്സിൽ ഒളിമ്പസ് മല കീഴടക്കിയിരുന്നു. പിൽക്കാലത്ത് അമേരിക്കയിൽ പർവതാരോഹണം ഒരു വിനോദമായി പ്രചരിപ്പിക്കുന്നതിൽ അദ്ദേഹം വലിയ പങ്കുവഹിച്ചു.വാർദ്ധക്യസഹജമായ ബുദ്ധിമുട്ടുകൾക്കിടയിലും മലകയറ്റത്തോടുള്ള താല്പര്യം അദ്ദേഹം കൈവിട്ടിരുന്നില്ല. 2013-ൽ തന്റെ 83-ാം വയസ്സിൽ മകൻ ലൂവിനൊപ്പം അദ്ദേഹം വീണ്ടും എവറസ്റ്റ് യാത്ര നടത്തിയിരുന്നു. അമേരിക്കൻ പർവതാരോഹണ ചരിത്രത്തിലെ ഇതിഹാസമായിട്ടാണ് ജിം വിറ്റേക്കർ അറിയപ്പെടുന്നത്.
എവറസ്റ്റ് കീഴടക്കിയ ആദ്യ അമേരിക്കക്കാരൻ ജിം വിറ്റേക്കർ അന്തരിച്ചു
