തിരുവനന്തപുരം: പാലക്കാട് വാളയാറില് ആള്ക്കൂട്ട മര്ദനത്തെത്തുടര്ന്ന് കൊല്ലപ്പെട്ട റാം നാരായണ് ബാഗേലിന്റെ കുടുംബത്തിനു നീതി ഉറപ്പാക്കുമെന്നും പ്രതികള്ക്കതിരെ കര്ശന നടപടി എടുക്കുമെന്നും മുഖ്യമന്ത്രി പിണറായി വിജയന്. ”പാലക്കാട് എസ്പിയുടെ നേതൃത്വത്തിലുള്ള പ്രത്യേക സംഘത്തിന്റെ അന്വേഷണം പുരോഗമിക്കുന്നുണ്ട്. കേസിന്റെ വിശദാംശങ്ങള് പരിശോധിച്ച് ആവശ്യമായ നിയമനടപടികള് കൈക്കൊള്ളാന് നിര്ദേശം നല്കിയിട്ടുണ്ട്. സര്ക്കാര് പരിശോധിച്ച് ഉചിതമായ നഷ്ടപരിഹാരം ഉറപ്പാക്കും.
കേരളം പോലുള്ള പരിഷ്കൃത സമൂഹത്തിന്റെ യശസ്സിനു കളങ്കമുണ്ടാക്കുന്ന ഇത്തരം പ്രവൃത്തികള് ഒരിക്കലും അംഗീകരിക്കാനാവാത്തതാണ്. ഇത്തരം സംഭവങ്ങള് ആവര്ത്തിക്കാതിരിക്കാന് എല്ലാവരും ജാഗ്രത കാണിക്കണം” മുഖ്യമന്ത്രി പിണറായി വിജയന് പറഞ്ഞു.
