ജര്മ്മന് ചാന്സലര് ഫ്രീഡ്രിക്ക് മെര്സ് ഇന്ന് ഇന്ത്യയില് പര്യടനം നടത്തുന്നതിനിടെ, ജര്മ്മനിയില് പുതിയ സാമ്പത്തിക നയങ്ങള് പ്രഖ്യാപിച്ചു.യൂറോപ്പിലെ ഏറ്റവും വലിയ സാമ്പത്തിക ശക്തിയായ ജര്മ്മനിയുടെ തകര്ച്ച തടയാന് കര്ക്കശമായ നടപടികള് ഉണ്ടാകുമെന്ന് സര്ക്കാര് അറിയിച്ചു.ചൈനയുമായുള്ള വ്യാപാര ബന്ധം കുറയ്ക്കാനും ഇന്ത്യയുമായി കൂടുതല് സഹകരിക്കാനുമുള്ള തീരുമാനത്തിന് ജര്മ്മന് പാര്ലമെന്റില് വലിയ പിന്തുണ ലഭിച്ചു.
ജര്മ്മനിയില് സമീപകാലത്തുണ്ടായ ഭരണമാറ്റവും ചാന്സലര് ഫ്രീഡ്രിക്ക് മെര്സിന്റെ പുതിയ നയങ്ങളുമാണ് യൂറോപ്യന് രാഷ്ട്രീയത്തിലെ ഇന്നത്തെ പ്രധാന ചര്ച്ചാവിഷയം. 2025 ഫെബ്രുവരിയില് നടന്ന പൊതുതിരഞ്ഞെടുപ്പിന് പിന്നാലെ അധികാരമേറ്റ ഫ്രീഡ്രിക്ക് മെര്സ് ഭരണകൂടം, ജര്മ്മനിയുടെ തകരുന്ന സമ്പദ്വ്യവസ്ഥയെ പുനരുജ്ജീവിപ്പിക്കാന് ‘ഇക്കണോമിക് റിക്കവറി 2026’ എന്ന കര്ക്കശമായ പദ്ധതി പ്രഖ്യാപിച്ചു. ചുവപ്പുനാടകള് ഒഴിവാക്കുക നികുതിയിളവുകള് നല്കുക എന്നിവയിലൂടെ വ്യവസായങ്ങളെ തിരികെ കൊണ്ടുവരിക എന്നതാണ് ലക്ഷ്യം.
കഴിഞ്ഞ വര്ഷങ്ങളില് നടപ്പിലാക്കിയ സാമ്പത്തിക പരിഷ്കാരങ്ങള് ഫലപ്രദമായിരുന്നില്ലെന്ന് ചാന്സലര് പരസ്യമായി സമ്മതിച്ചു.ചൈനയുമായുള്ള അകല്ച്ചയും ഇന്ത്യയുമായുള്ള അടുപ്പവും ജര്മ്മനിയുടെ വിദേശനയത്തില് വലിയൊരു മാറ്റം മെര്സ് കൊണ്ടുവന്നു.
ചൈനയുമായുള്ള വ്യാപാര ആശ്രിതത്വം കുറയ്ക്കാന് ചാന്സലര് ഫ്രീഡ്രിക്ക് മെര്സ് ഉത്തരവിട്ടു. ചാന്സലര് എന്ന നിലയിലുള്ള തന്റെ ആദ്യ ഏഷ്യന് സന്ദര്ശനത്തിനായി മെര്സ് ഇന്ത്യയെയാണ് തിരഞ്ഞെടുത്തത്. ഇന്ന് അദ്ദേഹം അഹമ്മദാബാദിലെത്തി പ്രധാനമന്ത്രി മോദിയുമായി ചര്ച്ച നടത്തി.ചര്ച്ചയ്ക്ക് ശേഷം ഇന്ത്യന് പൗരന്മാര്ക്ക് ജര്മ്മനി വഴി യാത്ര ചെയ്യാന് വിസയില്ലാതെയുള്ള ട്രാന്സിറ്റ് സൗകര്യം പ്രഖ്യാപിച്ചു.
ഇന്ത്യന് പ്രൊഫഷണലുകള്ക്ക് ജര്മ്മനിയില് എളുപ്പത്തില് ജോലി ലഭിക്കുന്നതിനായുള്ള ‘ഗ്ലോബല് സ്കില്സ് പാര്ട്ണര്ഷിപ്പ്’ കരാറില് ഒപ്പുവെച്ചു. ആരോഗ്യ മേഖലയിലുള്ളവര്ക്കാണ് ഇതിന്റെ ഗുണം കൂടുതല് ലഭിക്കുക.അത്യാധുനിക യുദ്ധവിമാനങ്ങള്ക്കും അന്തര്വാഹിനികള്ക്കും ആവശ്യമായ സാങ്കേതികവിദ്യ കൈമാറാന് ജര്മ്മനി സന്നദ്ധത അറിയിച്ചു.അമേരിക്കയില് ഡൊണാള്ഡ് ട്രംപ് വീണ്ടും അധികാരത്തില് വന്നതോടെ യൂറോപ്പിന്റെ സുരക്ഷയില് ജര്മ്മനിക്ക് ആശങ്കയുണ്ട്. അതിനാല് പ്രതിരോധ ചെലവ് വര്ദ്ധിപ്പിക്കാനും അമേരിക്കയെ അമിതമായി ആശ്രയിക്കാതെ സ്വയംപര്യാപ്തത നേടാനുമുള്ള നീക്കത്തിലാണ് മെര്സ് സര്ക്കാര്
