ഇടുക്കി: ജീവിതസാഹചര്യങ്ങളോട് പൊരുതി മുന്നേറുന്ന ലോട്ടറി വിൽപ്പനക്കാരിയായ ഇടുക്കി സ്വദേശി മിനിമോൾ സാബുവിനും കുടുംബത്തിനും താങ്ങായി പുതിയ വീട് സജ്ജമായി. നിർമ്മാണം പൂർത്തിയായ വീടിന്റെ താക്കോൽദാനം ധനകാര്യ മന്ത്രി കെ.എൻ. ബാലഗോപാൽ നിർവ്വഹിച്ചു.
ലോട്ടറി വിൽപനയിലൂടെ ഉപജീവനം കണ്ടെത്തുന്ന മിനിമോൾക്കും കുടുംബത്തിനും അടച്ചുറപ്പുള്ള ഒരു വീട് എന്നത് ദീർഘകാലത്തെ സ്വപ്നമായിരുന്നു. ആ സ്വപ്നം യാഥാർത്ഥ്യമായതിന്റെ സന്തോഷത്തിലാണ് കുടുംബം ഇപ്പോൾ. ചടങ്ങിൽ ജനപ്രതിനിധികളും സാമൂഹിക രംഗത്തെ പ്രമുഖരും സന്നിഹിതരായിരുന്നു. കഠിനാധ്വാനത്തിലൂടെ ജീവിതം പടുത്തുയർത്തുന്ന സാധാരണക്കാർക്ക് ഇത്തരം കരുതൽ വലിയ കരുത്താണെന്ന് താക്കോൽ കൈമാറിക്കൊണ്ട് മന്ത്രി പറഞ്ഞു.
