തിരുവനന്തപുരം : കേരളത്തിനെ സംബന്ധിച്ച് വികസനത്തിനു പുതിയ ദിശാബോധം വന്ന ദിവസമാണ് ഇന്നെന്ന് പ്രധാനമന്ത്രി നരേന്ദ്രമോദി. അമൃത് ഭാരത്, പാസഞ്ചര് ട്രെയിനുകളുടെ ഫ്ലാഗ് ഓഫ് ചെയ്ത് സംസാരിക്കുകയായിരുന്നു അദ്ദേഹം. ‘സുഹൃത്തുക്കളേ’ എന്ന് മലയാളത്തില് അഭിസംബോധന ചെയ്താണ് പ്രധാനമന്ത്രി ഓരോ പദ്ധതികളെ കുറിച്ചും പറഞ്ഞത്.
കേന്ദ്രസര്ക്കാര് നടപ്പാക്കിയ വികസനപ്രവര്ത്തനങ്ങള് പ്രധാനമന്ത്രി എണ്ണിപ്പറഞ്ഞു. വികസിത കേരളത്തില്നിന്നു മാത്രമേ വികസിത ഭാരതം ഉണ്ടാകുകയുള്ളുവെന്ന് പ്രധാനമന്ത്രി പറഞ്ഞു. കേന്ദ്രസര്ക്കാര് കേരളത്തിലെ ജനങ്ങള്ക്ക് ഒപ്പമാണ്. കേരള വികസത്തിനു ഇന്നു മുതല് പുതിയ ദിശാബോധമെന്നും പ്രധാനമന്ത്രി പറഞ്ഞു. അമൃത് ഭാരത് ട്രെയിനുകള് കേരളത്തിന്റെ യാത്രാസൗകര്യം കൂടുതല് മെച്ചപ്പെടുത്തിയെന്നും ഗുരുവായൂര്ക്കുള്ള പുതിയ ട്രെയിന് തീര്ഥാടനത്തിന് ഉപയുക്തമാകുമെന്നും പ്രധാനമന്ത്രി പറഞ്ഞു
