.തിരുവനന്തപുരം: ജയിലിനുള്ളില് നിരാഹാര സമരം ആരംഭിച്ച് രാഹുല് ഈശ്വര്. ഇന്നലെ രാത്രി മുതല് ഭക്ഷണം ഒഴിവാക്കിയിരിക്കുകയാണ്. വെള്ളം മാത്രം മതിയെന്നാണ് രാഹുല് പറഞ്ഞിരിക്കുന്നത്. ജില്ല ജയില് ബി ബ്ലോക്കിലാണ് രാഹുല് ഈശ്വര് കഴിയുന്നത്. അതേസമയം, സൈബര് അധിക്ഷേപ കേസില് രാഹുല് ഈശ്വര് ഇന്ന് തിരുവനന്തപുരം ജില്ലാ കോടതിയില് അപ്പീല് നല്കും. ഇന്നലെ രാഹുലിന്റെ ജാമ്യേപേക്ഷ തിരുവനന്തപുരം എസിജെഎം കോടതി തള്ളിയിരുന്നു. 14 ദിവസത്തേക്കാണ് രാഹുല് ഈശ്വറിനെ റിമാന്ഡ് ചെയ്തത്.
അന്വേഷണം നടക്കുമ്പോള് ഇത്തരം പോസ്റ്റുകള് ഇട്ടത് ചെറുതായി കാണാന് ആകില്ലെന്ന് ചൂണ്ടിക്കാട്ടിയാണ് തിരുവനന്തപുരം എസിജെഎം കോടതി രാഹുലിന്റെ ജാമ്യാപേക്ഷ തള്ളിയത്. ജാമ്യമില്ലാ കുറ്റം ചുമത്തിയായിരുന്നു രാഹുലിനെ അറസ്റ്റ് ചെയ്തത്. എന്നാല്, അറസ്റ്റ് നിയമപരമല്ലെന്നും യുവതിയുടെ പേര് പറയുകയോ ചിത്രം പ്രസിദ്ധീകരിക്കുകയോ ചെയ്തിട്ടില്ലെന്നുമാണ് രാഹുല് ഈശ്വര് കോടതിയില് വാദിച്ചത്.
