കൊച്ചി: യുവനടി നൽകിയ ലൈംഗികാതിക്രമ പരാതിയിൽ ചലച്ചിത്ര സംവിധായകൻ രഞ്ജിത്തിനെ പോലീസ് കസ്റ്റഡിയിലെടുത്തു. കൊച്ചിയിലെത്തിച്ച അദ്ദേഹത്തെ നിലവിൽ ആലുവയിലെ പോലീസ് ക്ലബ്ബിലേക്ക് മാറ്റിയിരിക്കുകയാണ്. നടപടിക്രമങ്ങൾ പൂർത്തിയാക്കി അദ്ദേഹത്തിന്റെ അറസ്റ്റ് ഉടൻ രേഖപ്പെടുത്തുമെന്നാണ് സൂചന.
ഹേമ കമ്മിറ്റി റിപ്പോർട്ടിന് പിന്നാലെ സിനിമാ മേഖലയിൽ ഉയർന്നുവന്ന ലൈംഗികാരോപണങ്ങളിൽ ആദ്യമായാണ് ഒരു പ്രമുഖ സംവിധായകൻ ഇത്തരത്തിൽ പോലീസ് നടപടി നേരിടുന്നത്. കേസ് അന്വേഷണവുമായി ബന്ധപ്പെട്ട് കൂടുതൽ വെളിപ്പെടുത്തലുകൾ വരും മണിക്കൂറുകളിൽ ഉണ്ടാകുമെന്ന് പോലീസ് വൃത്തങ്ങൾ അറിയിച്ചു.
