ജീവിതം എന്നത് ഒരു നീണ്ട യാത്രയാണ്.
ആ യാത്രയിൽ നമുക്ക് എത്ര ചോദ്യങ്ങൾ നേരിടേണ്ടി വരുന്നു! ചിലതിന് ഉത്തരം കിട്ടുന്നു, പലതിനും കിട്ടുന്നില്ല. പക്ഷേ, അതാണോ പ്രധാനം?
നമ്മുടെ ജീവിതത്തിന് അർത്ഥം നൽകുന്നത് ഉത്തരങ്ങളല്ല, ആ ഉത്തരങ്ങൾ തേടാനുള്ള ധൈര്യമാണ്. ഓരോ ചോദ്യവും ഒരു വാതിൽ തുറക്കുന്നു. ഓരോ തിരയലും നമ്മെ മുന്നോട്ട് നയിക്കുന്നു.
ജീവിതം എന്ന കല്ലുകൾ നിറഞ്ഞ വഴി എപ്പോഴും മുന്നിലേക്ക് നീളുന്നു. അത് എവിടെ അവസാനിക്കുമെന്ന് നമുക്കറിയില്ല. എന്താണ് കാത്തിരിക്കുന്നതെന്നും അറിയില്ല. പക്ഷേ, നടക്കാനുള്ള ധൈര്യം നഷ്ടപ്പെടുത്തരുത്.
ചിലപ്പോൾ വഴി ദുഷ്കരമാകും, ചിലപ്പോൾ ഇരുട്ടാകും. പക്ഷേ, ഓരോ ചുവടുവെപ്പും നമ്മെ എന്തെങ്കിലും പഠിപ്പിക്കുന്നു. എല്ലാ ചോദ്യങ്ങൾക്കും ഉത്തരം കിട്ടണമെന്നില്ല, പക്ഷേ ചോദിക്കാനുള്ള ധൈര്യം നമ്മെ ജീവിക്കാൻ പഠിപ്പിക്കുന്നു.
അതുകൊണ്ട്, യാത്ര തുടരുക. ചോദ്യങ്ങളെ ഭയപ്പെടരുത്. ഉത്തരങ്ങൾ കിട്ടാതെ വന്നാലും നിരാശപ്പെടരുത്. കാരണം, ജീവിതത്തിന്റെ സൗന്ദര്യം ആ യാത്രയിലാണ്, ലക്ഷ്യത്തിലല്ല.
റോഡ് എപ്പോഴും മുന്നോട്ട് നീളുന്നു, നമ്മളും നീങ്ങിക്കൊണ്ടിരിക്കണം.
✍️ സിജു ജേക്കബ്
