ഇന്ത്യയിലെ ജനങ്ങളുടെ പ്രധാന തിരിച്ചറിയല് രേഖയാണ് ആധാര്.അതുകൊണ്ട് തന്നെ ആധാര് കാര്ഡിന്റെ പ്രാധാന്യത്തെ പറ്റിയോ,ഉപയോഗത്തെ പറ്റിയോ എടുത്ത് പറയേണ്ടതില്ല. യുണിക്ക് ഐഡന്റിഫിക്കേഷന് അതോറിറ്റി ഓഫ് ഇന്ത്യ, രാജ്യത്തെ ജങ്ങളുടെ ആധാറിന്റെ സുരക്ഷയും, ഉപയോഗവും എളുപ്പമാക്കുന്നതിനായി നിരവധി മാറ്റങ്ങള് ഓരോ വര്ഷവും കൊണ്ടുവരാറുണ്ട്.
ആധാര് കൈയില് കുരുതുന്നതിന്റെ ബുദ്ധിമുട്ട് മനസിലാക്കിയാണ് ഇ-ആധാറുകള് അവതരിപ്പിച്ചിരിക്കുന്നത്. എന്നാല് ഇന്നും ബഹുഭൂരിപക്ഷം ആളുകളുടെ കൈയിലും ഫിസിക്കല് ആധാര് കാര്ഡുകള് തന്നെയാണ് ഉള്ളത്.ഇന്ത്യയില് ഔദ്യോഗിക തിരിച്ചറിയല് രേഖയായി ആധാര് ഉപയോഗിക്കുന്നതുകൊണ്ട് തന്നെ ആധാര് സുരക്ഷിതമായി കൊണ്ട് നടക്കേണ്ടുന്നത് വളരെ ഗൗരവത്തോടെ എടുക്കണം.
ആധാര് കൈയില് കരുതുന്നത് കൊണ്ടുതന്നെ അത് പെട്ടന്ന് നഷ്ട്ടപെട്ടുപോകാനോ,നശിക്കാനോ ഉള്ള സാധ്യത കൂടുതലാണ്.ഇങ്ങനെ കാര്ഡുകള് കളഞ്ഞുപോയാല് അല്ലെങ്കില് നമ്പര് അറിയില്ലെങ്കില് ആ കാര്ഡുകള് തിരിച്ചെടുക്കാന് സാധിക്കുമോ എന്ന സംശയം പലര്ക്കും ഉണ്ടാകും.എന്നാല് നഷ്ടപെട്ട ആധാര് തിരിച്ചെടുക്കാന് വഴികള് ഉണ്ട്. ഓഫ്ലൈനെയും ഓണ്ലൈനായും നിങ്ങള്ക്ക് ആധാര് തിരിച്ചെടുക്കാം.
1 ഓണ്ലൈന് വഴി നഷ്ടപെട്ട ആധാര് എങ്ങനെ തിരിച്ചെടുക്കാം ?
ആധാര് മൊബൈല് ഫോണ് നമ്പറുമായി ലിങ്ക് ചെയ്തിട്ടുള്ളത് കൊണ്ടുതന്നെ നിങ്ങളുടെ നഷ്ടപെട്ട ആധാര് ഓണ്ലൈനായി വേഗത്തില് തിരിച്ചെടുക്കാന് സാധിക്കും.ഇതിനായി യുണിക്ക് ഐഡന്റിഫിക്കേഷന് അതോറിറ്റി ഓഫ് ഇന്ത്യയുടെ ഒഫീഷ്യല് വെബ്സൈറ്റില് കയറി റിട്രീവ് യുഐഡി അല്ലെങ്കില് ഇഐഡി എന്ന ഓപ്ഷന് തിരഞ്ഞെടുക്കാം
നിങ്ങളുടെ പേര്, രജിസ്റ്റര് ചെയ്ത മൊബൈല് ഫോണ് നമ്പര്, ഇമെയില് എന്നിവ നല്കുക. നിങ്ങള്ക്ക് ആ നമ്പറിലേക്ക് ഒരു ഓടിപി ലഭിക്കും ശേഷം ഒടിപി തിരികെ നല്കുക യുഐഡി അല്ലെങ്കില് ഇഐഡി എസ്എംഎസ് ലഭിക്കും ഇതുവഴി നിങ്ങള്ക്ക് ആധാര് വീണ്ടും പ്രിന്റ് ചെയ്യാം ഈ ഓണ്ലൈന് വഴി ഇത് നിങ്ങള്ക്ക് തന്നെ ചെയ്യാന് സാധിക്കുന്നതാണ്. ഇതിന് പ്രത്യേകം ചാര്ജുകള് ഒന്നും തന്നെ ഈടാക്കുന്നില്ല.
2 ഓഫ്ലൈനായി ആധാര് എങ്ങനെ അപ്ഡേറ്റ് ചെയാം?
ആധാറുമായി മൊബൈല് നമ്പര് ലിങ്ക് ചെയ്തിട്ടില്ലെങ്കില്,നിങ്ങള്ക്ക് ഇത് ഓഫ് ലൈനായി ജനസേവ കേന്ദ്രത്തില് പോയി ചെയാം.അവിടെ ചെന്ന് നിങ്ങളുടെ പേര്, ലിംഗം, പിന്കോഡ് എന്നീ വിവരങ്ങള് നല്കണം.ശേഷം ഫിംഗര്പ്രിന്റ് സ്കാന് ചെയ്യണം, അല്ലെങ്കില് നിങ്ങള്ക്ക് ഐറിസ് സ്കാന് ഉപയോഗിച്ചും ബയോമെട്രിക് പരിശോധന നടത്താം.
ഇത് കഴിഞ്ഞു നിങ്ങളുടെ വിവരങ്ങള് പരിശോധിച്ച് ഉറപ്പാക്കിയതിന് ശേഷം, ഇ-ആധാര് പ്രിന്റ് ചെയ്യാം. എന്നാല് ഇവിടെ നിങ്ങള് ഫീസ് നല്കേണ്ടുന്നതുണ്ട്. 30 രൂപയാണ് ഫീസ് വരുന്നത്.
3 ആധാര് ഹെല്പ്പ്ലൈന് സെന്റര്
ആധാര് നഷ്ടപെട്ടുപോയാല് നിങ്ങള് യുണിക്ക് ഐഡന്റിഫിക്കേഷന് അതോറിറ്റി ഓഫ് ഇന്ത്യയുടെ ഹെല്പ്പ്ലൈന് നമ്പറായ 1947 ല് ബന്ധപ്പെടാം. ഇവിടെ നിങ്ങള് അവര് ആവശ്യപ്പെടുന്ന വിവരങ്ങള് പങ്കുവയ്ക്കേണ്ടതുണ്ട്. നിങ്ങളുടെ വിവരങ്ങള് ഡാറ്റബേസുമായി പൊരുത്തപ്പെടുന്നുണ്ടെങ്കില് ഉപയോക്താവിന് അവരുടെ എന്റോള്മെന്റ് ഐഡി നേടാന് കഴിയും. ഇത് ലഭിച്ചു കഴിഞ്ഞാല് നിങ്ങള്ക്ക് ഓണ്ലൈന് മാര്ഗത്തിലൂടെ ഇ- ആധാര് പ്രിന്റ് ചെയ്യാം
