തിരുവനന്തപുരം: ഇലക്ട്രിക് ബസ് വിവാദത്തില് തിരുവനന്തപുരം കോര്പറേഷന് മേയര് വി.വി.രാജേഷിനു മറുപടിയുമായി ഗതാഗത മന്ത്രി കെ.ബി.ഗണേഷ്കുമാര്.113 ബസുകളില് ഒരെണ്ണം പോലും മറ്റു ജില്ലകളില് ഓടുന്നില്ലെന്നും കോര്പറേഷന് ആവശ്യപ്പെട്ടാല് എല്ലാ ബസുകളും തിരിച്ചു നല്കാന് തയാറാണെന്നും മന്ത്രി പറഞ്ഞു.പകരം 150 ബസുകള് പുറത്തുനിന്ന് കൊണ്ടുവന്ന് തിരുവനന്തപുരത്ത് ഓടിക്കുമെന്നും മന്ത്രി പറഞ്ഞു.113 ഇലക്ട്രിക് ബസുകള് ഓടിച്ചിട്ടാണ് കെഎസ്ആര്ടിസി ലാഭമുണ്ടാക്കുന്നതെന്ന പ്രചാരണം ശരിയല്ലെന്നും മന്ത്രി പറഞ്ഞു.
കോര്പ്പറേഷന് ബസുകള് വാങ്ങിയത് കേന്ദ്ര പദ്ധതിയില് എന്ന് പറയാന് കഴിയില്ല, സ്റ്റേറ്റ് ഷെയര് 500 കോടിയാണ്. 60% വിഹിതവും സംസ്ഥാനത്തിന്റേതാണ്.113 വാഹനങ്ങളും കോര്പ്പറേഷന് ഈ രീതിയില് വാങ്ങിയതാണ്.
സങ്കീര്ണമായ മെയിന്റനന്സ് ഉള്ളതുകൊണ്ട് മറ്റൊരു ജില്ലയില് നിലവില് ഓടിക്കുന്നില്ല.തിരുവനന്തപുരം മേയര് 113 ബസുകളും തങ്ങള്ക്ക് വേണമെന്ന് ആവശ്യപ്പെട്ടാല് 24 മണിക്കൂറിനുള്ളില് തിരിച്ചയയ്ക്കും.സിഎംഡിക്ക് ഒരു കത്ത് കൊടുത്താല് മാത്രം മതിയെന്നും ഗണേഷ്കുമാര് പറഞ്ഞു.കോര്പ്പറേഷന് വണ്ടികള് കൊടുത്താല് കെഎസ്ആര്ടിസിയുടെ സ്ഥലത്ത് ഇടാന് സമ്മതിക്കില്ലെന്നും ഈ വിഷയവുമായി ബന്ധപ്പെട്ട് മേയര് തന്നോട് സംസാരിച്ചിട്ടില്ലെന്നും മന്ത്രി മാധ്യമങ്ങളോട് പറഞ്ഞു.
