വാഷിംഗ്ടൺ: ഇറാൻ പരമോന്നത നേതാവ് ആയത്തൊള്ള അലി ഖമേനിയുമായി നേരിട്ട് ചർച്ച നടത്താൻ അമേരിക്കൻ പ്രസിഡന്റ് ഡൊണാൾഡ് ട്രംപ് തയ്യാറാണെന്ന് യുഎസ് സ്റ്റേറ്റ് സെക്രട്ടറി മാർക്കോ റൂബിയോ വ്യക്തമാക്കി. പശ്ചിമേഷ്യയിൽ നിലനിൽക്കുന്ന സംഘർഷങ്ങൾ ലഘൂകരിക്കാനും ആണവ കരാർ ഉൾപ്പെടെയുള്ള വിഷയങ്ങളിൽ പരിഹാരം കാണാനുമുള്ള നീക്കത്തിന്റെ ഭാഗമായാണ് ഈ നിർണ്ണായക ചുവടുവെപ്പ്.
മുൻപ് ഇറാനോട് കർക്കശ നിലപാട് സ്വീകരിച്ചിരുന്ന ട്രംപ്, ഇപ്പോൾ നയതന്ത്രപരമായ നീക്കങ്ങൾക്കും തയ്യാറാണെന്ന സൂചനയാണ് സ്റ്റേറ്റ് സെക്രട്ടറി നൽകുന്നത്. ശരിയായ നിബന്ധനകൾ അംഗീകരിക്കുകയാണെങ്കിൽ ആയത്തൊള്ളയുമായി സംസാരിക്കാൻ ട്രംപിന് മടിയുണ്ടാകില്ലെന്ന് റൂബിയോ വ്യക്തമാക്കി.
