തിരുവനന്തപുരം: നിയമസഭാ തിരഞ്ഞെടുപ്പിനുള്ള നാമനിർദ്ദേശ പത്രിക സമർപ്പിക്കാൻ ഇനി രണ്ട് പ്രവൃത്തി ദിനങ്ങൾ കൂടി മാത്രം ബാക്കിനിൽക്കെ, സംസ്ഥാനത്തെ വിവിധ മണ്ഡലങ്ങളിൽ സ്ഥാനാർത്ഥികളുടെ തിരക്ക് വർദ്ധിക്കുന്നു. പ്രമുഖ മുന്നണി സ്ഥാനാർത്ഥികളടക്കം ഒട്ടേറെപ്പേർ ഇന്ന് പത്രിക സമർപ്പിക്കും.
പത്രിക സമർപ്പിക്കാനുള്ള സമയപരിധി അവസാനിക്കാൻ ദിവസങ്ങൾ മാത്രം ശേഷിക്കെ, അവധി ദിവസങ്ങൾ ഒഴിവാക്കിയാൽ ഇനി രണ്ട് പ്രവൃത്തി ദിനങ്ങളാണ് സ്ഥാനാർത്ഥികൾക്ക് മുന്നിലുള്ളത്. ഇത് കണക്കിലെടുത്ത് ഇന്ന് വലിയൊരു വിഭാഗം സ്ഥാനാർത്ഥികൾ പത്രിക നൽകാൻ എത്തുമെന്ന് പ്രതീക്ഷിക്കുന്നു.കഴിഞ്ഞ ദിവസങ്ങളിൽ പല പ്രമുഖ സ്ഥാനാർത്ഥികളും പത്രിക സമർപ്പിച്ചു കഴിഞ്ഞു. ഇന്ന് കൂടുതൽ യുഡിഎഫ്, എൽഡിഎഫ്, എൻഡിഎ സ്ഥാനാർത്ഥികൾ അതത് വരണാധികാരികൾക്ക് മുമ്പാകെ പത്രിക സമർപ്പിക്കും.
സ്ഥാനാർത്ഥികൾക്കൊപ്പം പരിമിതമായ എണ്ണം ആളുകൾക്ക് മാത്രമേ പത്രിക സമർപ്പണത്തിന് അനുമതിയുള്ളൂ.പത്രിക സമർപ്പണം പൂർത്തിയായ ശേഷം സൂക്ഷ്മപരിശോധന നടക്കും. നിശ്ചിത സമയത്തിനുള്ളിൽ പത്രിക പിൻവലിക്കാനുള്ള അവസരവും സ്ഥാനാർത്ഥികൾക്കുണ്ടാകും.പത്രികാ സമർപ്പണം അവസാന ഘട്ടത്തിലേക്ക് കടന്നതോടെ സംസ്ഥാനത്ത് തിരഞ്ഞെടുപ്പ് പ്രചാരണം ഉച്ചസ്ഥായിയിലായിരിക്കുകയാണ്.
