തിരുവനന്തപുരം: തെരഞ്ഞെടുപ്പില് തോറ്റതിന്റെ മനോവിഷമത്തില് സ്ഥാനാര്ഥി ജീവനൊടുക്കി. അരുവിക്കര ഗ്രാമപഞ്ചായത്ത് മണമ്പൂര് വാര്ഡിലെ യു.ഡി.എഫ് സ്ഥാനാര്ഥി വിജയകുമാര് ആണ് ആത്മഹത്യ ചെയ്തത്.മണമ്പൂര് വാര്ഡില് വിജയകുമാര് മൂന്നാം സ്ഥാനത്തേക്ക് പിന്തള്ളപ്പെട്ടിരുന്നു. തെരഞ്ഞെടുപ്പ് ഫലം വന്നതു മുതല് വിജയകുമാര് മനോവിഷമത്തിലായിരുന്നു. തെരഞ്ഞെടുപ്പില് 149 വോട്ട് നേടി മൂന്നാം സ്ഥാനമാണ് വിജയകുമാരന് ലഭിച്ചത്. ബി.ജെ.പിയാണ് മണ്ഡലത്തില് വിജയിച്ചത്.
ഫലം വന്ന ശനിയാഴ്ച ഉച്ചയോടെ വിജയകുമാരന് മരത്തില് തൂങ്ങിമരിക്കാന് ശ്രമിക്കുകയായിരുന്നു. ഇത് മകന് കണ്ടതോടെ ഉടന് തന്നെ ആശുപത്രിയില് എത്തിച്ചു. സ്വകാര്യ ആശുപത്രിയില് തീവ്രപരിചരണ വിഭാഗത്തില് ചികിത്സയിലിരിക്കെ ചൊവ്വ പുലര്ച്ചെയാണ് മരിച്ചത്.പത്തു വര്ഷം മുമ്പ് വിജയകുമാര് സ്വതന്ത്ര സ്ഥാനാര്ഥിയായി മത്സരിച്ചെങ്കിലും പരാജയപ്പെട്ടിരുന്നു
