ക്രിസ്മസ് വിപണി ലക്ഷ്യമിട്ട് ഓസ്ട്രേലിയയില് നടക്കുന്ന കക്ക മോഷണത്തിനെതിരെ കര്ശന മുന്നറിയിപ്പുമായി ന്യൂ സൗത്ത് വെയ്ല്സ് പോലീസ്.മോഷ്ടിച്ച കക്കകള് വില്ക്കുന്നതും വാങ്ങുന്നതും വലിയ പിഴയ്ക്കും തടവുശിക്ഷയ്ക്കും കാരണമാകുമെന്ന് അധികൃതര് അറിയിച്ചു.
കക്ക മോഷണത്തില് ഏര്പ്പെടുന്നവര്ക്ക് $275,000 (രണ്ട് ലക്ഷത്തി ???പത്തയ്യായിരം ഡോളര്) വരെ പിഴയും തടവുശിക്ഷയും ലഭിക്കാം.ഓപ്പറേഷന് ബുഷ്മിന്റ് ക്രിസ്മസിന് മുന്നോടിയായി ഡിസംബര് 19 മുതല് 22 വരെ പോലീസ് നടത്തിയ പ്രത്യേക പരിശോധനയാണിത്. സൗത്ത് കോസ്റ്റ് മേഖലയിലെ ബീഗ (Bega), നരൂമ (Narooma), ബേറ്റ്മാന്സ് ബേ (Batemans Bay) തുടങ്ങിയ സ്ഥലങ്ങളില് പോലീസ് കര്ശന നിരീക്ഷണം നടത്തി.
ജലാശയങ്ങള്, ബോട്ടുകള്, ലൈസന്സുകള് എന്നിവ കേന്ദ്രീകരിച്ചായിരുന്നു പരിശോധന. 13-ഓളം വാണിജ്യ കക്ക കൃഷിയിടങ്ങളില് പോലീസ് നേരിട്ടെത്തി സുരക്ഷാ പരിശോധന നടത്തി.അംഗീകൃതമല്ലാത്ത വില്പനക്കാരില് നിന്ന് കക്കകള് വാങ്ങരുതെന്ന് പോലീസ് ജനങ്ങളോട് അഭ്യര്ത്ഥിച്ചു.
മോഷ്ടിച്ച കക്കകള് പലപ്പോഴും ശാസ്ത്രീയമായ ശുദ്ധീകരണ പ്രക്രിയകള്ക്ക് വിധേയമാകാത്തവയാ യിരിക്കും. ഇത് കഴിക്കുന്നത് ഗുരുതരമായ ആരോഗ്യപ്രശ്നങ്ങള്ക്ക് കാരണമാകും.ക്രിസ്മസ് സമയത്തെ ഉയര്ന്ന ഡിമാന്ഡ് മുതലെടുത്ത് വില കുറച്ച് വില്ക്കുന്ന കക്കകള് മോഷ്ടിക്കപ്പെട്ടതാകാന് സാധ്യതയുണ്ട്.കുറഞ്ഞ വിലയില് ലഭിക്കുന്ന സമുദ്രവിഭവങ്ങളില് ആകൃഷ്ടരാകരുത്. അത് നിയമവിരുദ്ധമാണെന്ന് മാത്രമല്ല, നിങ്ങളുടെ ആരോഗ്യത്തിന് ഹാനികരവുമാണ്.’
മോഷണവുമായി ബന്ധപ്പെട്ട വിവരങ്ങള് അറിയുന്നവര് Crime Stoppers (1800 333 000) എന്ന നമ്പറിലോ Fishers Watch (1800 043 536) എന്ന നമ്പറിലോ വിവരം അറിയിക്കണമെന്നും പോലീസ് നിര്ദ്ദേശിച്ചു
