നനവാർന്ന മണ്ണിൽ നാം നട്ടുവളർത്തിയ
നന്മതൻ വിത്തുകൾ ഓർമ്മയാവാം,
അകലങ്ങളേറെ നാം താണ്ടിയിരിക്കിലും
അരികിലായ് മാതൃഭൂമി തൻ ഗന്ധമുണ്ടാവാം.
പല കോടി ഭാഷകൾ പെയ്തിറങ്ങീടിലും
അമ്മതൻ മലയാളം നെഞ്ചിലുണ്ടാവാം,
അതിരുകൾ മായും സ്നേഹത്തിൻ നൂലിനാൽ
അലയുന്നു നമ്മളീ ലോകം മുഴുവനും.
ഒന്നായിടാം നമുക്കീ വിണ്ണിലെന്നും
നന്മതൻ തൂലിക ചലിപ്പിച്ചു കൊണ്ട്,
വാക്കിന്റെ കനലുകൾ കെടാതെ കാക്കാം
മലയാളി എന്നതാം അഭിമാനമായ്.
