റിയാദ്: സൗദി അറേബ്യയിലെ കിഴക്കന് പ്രവിശ്യയില് നേരിയ ഭൂചലനം. ബുധനാഴ്ച പുലര്ച്ചെയാണ് റിക്ടര് സ്കെയിലില് 4.3 തീവ്രത രേഖപ്പെടുത്തിയ ഭൂചലനം അനുഭവപ്പെട്ടത്. നാഷണല് സീസ്മിക് മോണിറ്ററിങ് നെറ്റ്വര്ക്കിന്റെ സ്റ്റേഷനുകളില് സൗദി സമയം പുലര്ച്ചെ 1.11നാണ് ഭൂചലനം രേഖപ്പെടുത്തിയതെന്ന് സൗദി ജിയോളജിക്കല് സര്വേ അറിയിച്ചു.
സൗദിയിലെ ഹറദിന്റെ കിഴക്ക് ഒമ്പത് കിലോമീറ്റര് ദൂരപരിധിയിലാണ് ഭൂചലനത്തിന്റെ പ്രഭവ കേന്ദ്രം. 50 കിലോമീറ്റര് ആഴത്തിലാണ് ഭൂചലനം രേഖപ്പെടുത്തിയത്. അതേസമയം ഭൂചലനത്തിന്റെ പ്രത്യാഘാതങ്ങളൊന്നും യുഎഇയില് അനുഭവപ്പെട്ടിട്ടില്ലെന്ന് നാഷണല് സീസ്മിക് നെറ്റ്വര്ക്ക് വ്യക്തമാക്കി. താമസക്കാര്ക്ക് പ്രകമ്പനം അനുഭവപ്പെട്ടില്ല.
