ദാവോസ് : ദാവോസില് നടക്കുന്ന ലോക സാമ്പത്തിക ഫോറത്തിന്റെ വാര്ഷിക യോഗത്തില് ഗ്രീന്ലാന്ഡിനെ കുറിച്ചുള്ള നിലപാട് വ്യക്തമാക്കി യുഎസ് പ്രസിഡണ്ട് ഡൊണാള്ഡ് ട്രംപ്.അമേരിക്കയാണ് ലോകത്തിലെ എല്ലാ രാജ്യങ്ങളുടെയും സാമ്പത്തിക എഞ്ചിനെന്ന് ട്രംപ് ദാവോസില് നടത്തിയ പ്രസംഗത്തില് പറഞ്ഞു. ഗ്രീന്ലാന്ഡിനെ രക്ഷിക്കാന് ഒരു രാജ്യത്തിനും കഴിയില്ല,അമേരിക്കയ്ക്ക് മാത്രമേ അതിന് കഴിയൂ എന്നും ട്രംപ് ലോക നേതാക്കള്ക്ക് മുന്പില് വ്യക്തമാക്കി.
തന്നെ തിരഞ്ഞെടുത്തതില് അമേരിക്കന് ജനത വളരെ സന്തുഷ്ടരാണെന്ന് ട്രംപ് തന്റെ പ്രസംഗത്തിന്റെ തുടക്കത്തില് സൂചിപ്പിച്ചു. ‘ എനിക്ക് യൂറോപ്പിനെ ഇഷ്ടമാണ്, പക്ഷേ അവര് ശരിയായ പാതയിലല്ല. മറ്റ് രാജ്യങ്ങള്ക്കുണ്ടായ നഷ്ടം നികത്താന് ഞങ്ങള് യൂറോപ്പിന്റെ മേല് നികുതി വര്ദ്ധിപ്പിക്കുകയാണ്. ഞങ്ങള് ചില മികച്ച വ്യാപാര കരാറുകള് ഉണ്ടാക്കിയിട്ടുണ്ട്. അമേരിക്ക വളരുമ്പോള് നിങ്ങളും വളരുമെന്ന് എല്ലാവര്ക്കും അറിയാം. മെച്ചപ്പെട്ട വരുമാന നിലവാരവും പണപ്പെരുപ്പം കുറച്ചതും എല്ലാ രാജ്യങ്ങള്ക്കും നല്ലതാണ്.ഗ്രീന്ലാന്ഡ് വിശാലമായ, പൂര്ണ്ണമായും ജനവാസമില്ലാത്തതും വികസനം കുറഞ്ഞതുമായ ഒരു പ്രദേശമാണ്. അമേരിക്ക, റഷ്യ, ചൈന എന്നിവയ്ക്കിടയിലുള്ള ഒരു പ്രധാന തന്ത്രപ്രധാന സ്ഥലത്ത് അത് ദുര്ബലമാണ്. അപൂര്വ എര്ത്ത് ലോഹങ്ങളുടെ വര്ദ്ധിച്ചുവരുന്ന പ്രാധാന്യം അനുസരിച്ച് ഗ്രീന്ലാന്ഡിനും പ്രാധാന്യം വര്ധിച്ചുവരികയാണ്.മറ്റു ചില രാജ്യങ്ങള് അതിലേക്ക് കണ്ണു വെക്കുന്നുണ്ട്. അതിനാല്, ഗ്രീന്ലാന്ഡ് അമേരിക്കയുടെ ഒരു പ്രധാന ദേശീയ സുരക്ഷാ താല്പ്പര്യമാണ്, ‘ എന്നും ട്രംപ് വ്യക്തമാക്കി.
