ബിജാപുർ: ഛത്തീസ്ഗഡിലെ ബസ്തർ ഡിവിഷനു കീഴിലുള്ള ബിജാപുർ, സുക്മ ജില്ലകളിൽനിന്നായി 51 നക്സലുകൾ പോലീസിനു മുന്പാകെ കീഴടങ്ങി. കീഴടങ്ങിയവരിൽ 34 പേർ സ്ത്രീകളാണ്.
ത്രിദിന സന്ദർശനത്തിനായി രാഷ്ട്രപതി ദ്രൗപദി മുർമുവും ആഭ്യന്തരമന്ത്രി അമിത് ഷായും സംസ്ഥാനത്ത് എത്താനിരിക്കെയാണു കീഴടങ്ങൽ. ഇരുപതു സ്ത്രീകൾ ഉൾപ്പെടെ 30 പേർ ബസ്തറിലും 14 സ്ത്രീകൾ ഉൾപ്പെടെ 21 പേർ ബിജാപുരിലും കീഴടങ്ങിയെന്നു ബസ്തർ റേഞ്ച് ഐജി സുന്ദർരരാജ് അറിയിച്ചു. സംസ്ഥാന സർക്കാർ പ്രഖ്യാപിച്ച പുനരധിവാസ പാക്കേജിൽ ആകൃഷ്ടരായാണ് മാവോയിസ്റ്റുകളുടെ കീഴടങ്ങൽ.
