ബന്ദ (ഉത്തർപ്രദേശ്): ഉത്തർപ്രദേശിലെ ബന്ദ ജില്ലയിൽ കുടുംബവഴക്കിനെത്തുടർന്ന് ഒമ്പത് മാസം പ്രായമുള്ള സ്വന്തം മകനെ പിതാവ് കോടാലി കൊണ്ട് വെട്ടിക്കൊലപ്പെടുത്തി. ബന്ദ ജില്ലയിലെ ബബേരു പോലീസ് സ്റ്റേഷൻ പരിധിയിലുള്ള അഗരൗണ്ട ഗ്രാമത്തിലാണ് നാടിനെ നടുക്കിയ ഈ സംഭവം നടന്നത്. സംഭവവുമായി ബന്ധപ്പെട്ട് പ്രതിയെ പോലീസ് അറസ്റ്റ് ചെയ്തു.
വിവരം അറിഞ്ഞയുടൻ പോലീസ് സ്ഥലത്തെത്തി പ്രതിയെ കസ്റ്റഡിയിലെടുത്തു. കൊലപാതകത്തിന് ഉപയോഗിച്ച കോടാലി പോലീസ് കണ്ടെടുത്തു.കുട്ടിയുടെ മൃതദേഹം പോസ്റ്റ്മോർട്ടത്തിനായി അയച്ചിരിക്കുകയാണ്. സംഭവത്തിൽ ഐപിസി സെക്ഷൻ 302 (കൊലപാതകം) പ്രകാരം കേസെടുത്തിട്ടുണ്ടെന്നും കൂടുതൽ അന്വേഷണം നടന്നുവരികയാണെന്നും പോലീസ് അറിയിച്ചു.
