ന്യൂഡൽഹി: പ്രധാനമന്ത്രി നരേന്ദ്ര മോദിയും പ്രതിപക്ഷ നേതാവ് രാഹുൽ ഗാന്ധിയും തമ്മിലുള്ള സൗഹൃദ സംഭാഷണത്തിന്റെ ദൃശ്യങ്ങൾ സോഷ്യൽ മീഡിയയിൽ ശ്രദ്ധേയമാകുന്നു. രാഷ്ട്രീയ രംഗത്തെ വാക്പോരുകൾക്കിടയിലും, പാർലമെന്റ് സമുച്ചയത്തിൽ നടന്ന ഒരു ചടങ്ങിൽ ഇരുവരും പരസ്പരം സ്നേഹാന്വേഷണങ്ങൾ പങ്കുവെക്കുന്നതാണ് വീഡിയോയിലുള്ളത്.സാമൂഹിക പരിഷ്കർത്താവായ ജ്യോതിറാവു ഫൂലെയുടെ 200-ാം ജന്മവാർഷികത്തോടനുബന്ധിച്ച് ആദരാഞ്ജലികൾ അർപ്പിക്കാൻ എത്തിയപ്പോഴായിരുന്നു ഈ കൂടിക്കാഴ്ച. രാഹുൽ ഗാന്ധിയെ കണ്ടപ്പോൾ പ്രധാനമന്ത്രി അഭിവാദ്യം ചെയ്യുകയും ഇരുവരും അൽപ്പനേരം സംസാരിക്കുകയും ചെയ്തു.ലോക്സഭാ സ്പീക്കർ ഓം ബിർള, കേന്ദ്രമന്ത്രിമാരായ ജെ.പി. നഡ്ഡ, അർജുൻ റാം മേഘ്വാൾ എന്നിവരുടെ സാന്നിധ്യത്തിലായിരുന്നു ഈ ഹൃദ്യമായ കൂടിക്കാഴ്ച നടന്നത്. രാഷ്ട്രീയ വിയോജിപ്പുകൾ നിലനിൽക്കുമ്പോഴും വ്യക്തിപരമായ സൗഹൃദം പ്രകടിപ്പിച്ച നേതാക്കളുടെ ഈ നീക്കം രാഷ്ട്രീയ വൃത്തങ്ങളിലും പൊതുജനങ്ങൾക്കിടയിലും ചർച്ചയായിട്ടുണ്ട്.
രാഷ്ട്രീയ വൈരം മറന്ന് സൗഹൃദം പങ്കുവെച്ച് നരേന്ദ്ര മോദിയും രാഹുൽ ഗാന്ധിയും
